સરસ / પેટ્રોલની માથાકૂટમાંથી મળશે મુક્તિ! 35,000માં ખરીદો Hero Splendor, જાણો ફિચર્સ

• ઈલેક્ટ્રીક વાહનોનો વધતો ક્રેઝ ભારતમાં જોવા મળ્યો
• જો તમારે મોટરસાઈકલને ઈલેક્ટ્રીક બનાવી છે તો ખર્ચવા પડશે રૂ. 35,000
• મોટરસાઈકલમાં લગાવવી પડશે EV કીટ, 95,000 રૂપિયાનો ખર્ચ આવશે

RTOની મંજૂરી મળી

ઈલેક્ટ્રીક વાહન તમારા પેટ્રોલ-ડીઝલના ખર્ચને સમાપ્ત કરી નાખે છે અને હવે તમારા વર્તમાન વાહનને પણ ઈલેક્ટ્રીક વાહન બનાવી શકો છો. જેના માટે તમારે ફક્ત EV કીટની જરૂર પડે છે. જેમાં બળતણથી ચાલતા એન્જિનના કારણે આ કન્વર્ઝન કીટ લગાવવામાં આવે છે. જ્યાં થોડા અઠવાડિયા પહેલાં કાર માટે ઈવી કન્વર્ઝન કિટ રજૂ કરવામાં આવી છે. તો મોટરસાઈકલ માટે ઈલેક્ટ્રીક કિટને ગયા મહિને લોન્ચ કરવામાં આવી હતી. થાણે બેસ્ડ એક ઈવી સ્ટાર્ટઅપ ગોગોએ 1 મોટરસાઈકલ માટે પહેલી ઈવી કન્વર્ઝન કિટ લઇને આવ્યું છે. જેને RTO તરફથી એપ્રુવલ મળ્યું છે. અહીં જો તમે પોતાની મોટરસાઈકલને ઈલેક્ટ્રીક બનાવવા માગો છો તો તમારે 35,000 રૂપિયા ખર્ચવા પડશે અને અલગથી 6300 રૂપિયા તેના પર GST કપાશે. આ કિટને 3 વર્ષની વોરંટીની સાથે રજૂ કરવામાં આવી છે. આ સિવાય તમારે પોતાની મોટરસાઈકલની રેન્જ 151 કિમી પ્રતિ ચાર્જ કરવાની હોય છે. જેના માટે આખી બેટરી પેક પર તમારે 95,000 રૂપિયાનો ખર્ચ આવશે.

2.8 કિલોવોટ-આર બેટરી પેક

ગોગોએ1એ દેશભરના 36 આરટીઓ પર ઈન્સ્ટોલેશન સેટઅપ લગાવ્યાં છે અને આ સંખ્યામાં ટૂંક સમયમાં મોટો વધારો જોવા મળી શકે છે. કારણકે તેને આરટીઓની મંજૂરી મળી ગઇ છે. એવામાં બાઈકનો ઈન્શ્યોરન્સ પણ થઇ જશે અને ટૂ-વ્હીલરની સ્થિતિ મુજબ તેની વેલ્યૂ નક્કી કરવામાં આવશે. જેમાં તમારા ટુ-વ્હીલરનો રજીસ્ટ્રેશન નંબર નહીં બદલાય. પરંતુ ગ્રીન નંબર પ્લેટ ચોક્કસ મળશે. આ ઈવી કન્વર્ઝન કિટમાં 2.8 કિલોવોટ-આર બેટરી પેક મળશે. જે 2 કિલોવોટ બ્રશલેસ ઇલેક્ટ્રીક મોટરથી સજ્જ હશે. હાલમાં એક હીરો સ્પેલન્ડરને ઈલેક્ટ્રીક અવતારમાં રજૂ કરવામાં આવી છે.

એક ચાર્જમાં 151 કિમી રેન્જ

જેમાં હીરો સ્પેલન્ડરમાં બજાજ પલ્સરમાંથી લેવામાં આવેલા બ્રેક્સ અને શૂજ લગાવવામાં આવ્યાં છે. આ ઈલેક્ટ્રીક સ્પાલન્ડરની ક્ષમતા 2.4  બીએચપી તાકાત અને 63 એનએમ પીક ટોર્ક છે. જોકે, મહત્તમ તાકાતને 6.2 બીએચપી સુધી વધારી શકાય છે.