- ઉત્તર પ્રદેશ વિધાનસભાની ચૂંટણી
- હેમા માલિનીએ ભાષણ દરમિયાન પીએમ મોદીના કર્યા વખાણ
- સોશિયલ મીડિયામાં થયા ટ્રોલ
રશિયા અને યુક્રેન વચ્ચે યુદ્ધની સ્થિતિને ઠાળે પાડવા માટે વડાપ્રધાન મોદીની ટેલિફોનિક વાતચીત બદલ હાલમાં પીએમ મોદી ચર્ચામાં છે. અન્ય કોઇ દેશ આગળ ન આવ્યુ પરંતુ ભારતે આગળ આવીને આ બંને દેશોની સ્થિતિ ઠાળે પાડવા માટે જણાવ્યુ. આ બદલ ચોમેર પીએમ મોદીની પ્રશંસા થઇ રહી છે ત્યારે ભાજપ સાંસદ અને અભિનેત્રીએ હેમામાલિનીએ પણ પીએમ મોદીના વખાણ કર્યા. તેઓ યુપી વિધાનસભાની ચૂંટણીના પાંચમા તબક્કાના મતદાન માટે ભાજપના ઉમેદવારને સમર્થન આપવા બલિયાના બિલથરા રોડ વિધાનસભા ક્ષેત્રમાં પહોંચ્યા હતા. જ્યાં ભાષણ દરમિયાન પીએમ મોદીના વખાણ કર્યા હતા.
શું કહ્યુ હેમામાલિનીએ ?
જનતાને સંબોધિત કરતી વખતે હેમામાલિનીએ કહ્યું કે પીએમ નરેન્દ્ર મોદીએ દેશમાં પોતાનું એક ખાસ સ્થાન બનાવ્યું છે, વિશ્વ નેતા તરીકે ઉભરી આવ્યા છે. રશિયા અને યુક્રેન વચ્ચે ચાલી રહેલા યુદ્ધ પર હેમા માલિનીએ કહ્યું કે આખી દુનિયાના નેતાઓ ઈચ્છે છે કે મોદીજી આગળ આવે અને આ યુદ્ધને રોકે. સોશિયલ મીડિયા યુઝર્સે હેમા માલિનીના નિવેદન પર ઝાટકણી કાઢવાનું શરૂ કર્યું, જ્યારે કેટલાક લોકોએ આ અંગે નારાજગી વ્યક્ત કરીને પ્રતિક્રિયા આપી.
સોશિયલ મીડિયામાં હેમામાલિની ટ્રોલ થયા
પત્રકાર પ્રજ્ઞા મિશ્રાએ બીજેપી સાંસદના નિવેદન પર લખ્યું કે આને રોકવું જોઈએ? કેમ રોકાતા નથી ? બિચારા 20 હજાર વિદ્યાર્થીઓ ત્યાં ફસાયા છે તેઓને બહાર કાઢો, કે પછી સોનું સુદની રાહ જોવાઇ રહી છે. તો એક યુઝર્સે લખ્યુ કે મોદીજી તો યુપીની ઇલેક્શનમાં વ્યસ્ત છે.
અરુણ મલિક નામના યુઝરે હસતા ઇમોજી સાથે કમેન્ટ કરી કે હેમા માલિનીજી કૃપા કરીને તેમને ત્યાં મોકલો. અશોક નામના ટ્વિટર યુઝરે લખ્યું, 'તમારા માટે આટલી શાનદાર સ્ક્રિપ્ટ કોણ લખે છે? શું તમને તે આઈટી સેલના અમિત માલવિયા પાસેથી લખાવડાયુ છે?' ઈમરાન અદબ નામના યુઝરે હેમા માલિનીના આ નિવેદનને જોક ઑફ ધ ડે ગણાવ્યું છે. તો ફિરોઝ નામના ટ્વિટર હેન્ડલ પરથી લખવામાં આવ્યું હતું - પહેલા યુક્રેનમાં ફસાયેલા ભારતીય વિદ્યાર્થીઓને પાછા લાવો, પછી તમામ શ્રેય મોદીજીને આપો. ઉપરાંત અનામિકા નામના યુઝરે લખ્યું, 'ના બસંતી ના.. આવા જૂઠ્ઠાણા નથી બોલતા.' દિનેશ ભટ્ટ નામના ટ્વિટર હેન્ડલ પર લખ્યું છે કે હેમા જી તમે સ્ટેન્ડ અપ કોમેડી કેમ શરૂ નથી કરતા? કપિલ શર્માને સારી ટક્કર આપશો,
