મેઘમહેર / આજે ગુજરાતના 70 તાલુકાઓમાં ધોધમાર વરસાદ, મંગળવારે ભારે વરસાદની હવામાને કરી આગાહી

• ગુજરાતમાં વરસાદને લઇ હવામાન વિભાગની મોટી આગાહી 
• 5 દિવસ રાજ્યમાં મેઘમહેર રહેશે યથાવત
• 8 જુલાઈએ અતિભારે વરસાદની આગાહી

વરસાદને લઇ હવામાન વિભાગે મોટી આગાહી કરી છે. આગામી 5 દિવસ રાજ્યમાં મેઘમહેરના વરતારા છે. 8 જુલાઈએ અતિભારે વરસાદની આગાહી આપવામાં આવી છે તેમજ અમદાવાદમાં સામાન્ય વરસાદની આગાહી છે. દક્ષિણ ગુજરાતના માછીમારો આજથી દરિયો ન ખેડવાની સુચના આપવમાં આવી છે. દક્ષિણ ગુજરાત અને સૌરાષ્ટ્રમાં સારો વરસાદ વરસ્યો છે. પણ હજુ પણ ગુજરાતમાં વરસાદની સરેરાશ 34 ટકા ઘટ છે. 

મધ્ય ગુજરાત, ઉત્તર ગુજરાતમાં વરસાદની આગાહી
સૌરાષ્ટ્ર, કચ્છ, દક્ષિણ ગુજરાત, નવસારી, દમણ, વલસાડ, ખેડા, અમદાવાદ, પંચમહાલ, વડોદરા, નર્મદા, ભરૂચ, સુરત, ડાંગ, અમરેલી, નવસારી, સુરત, આણંદ,મ વડોદરા, ભરૂચ, સુર,  પોરબંદર, ભાવનગર, અમરેલી, દ્વારકા, બોટાદ, ગીર સોમનાથ જિલ્લામાં વરસાદ પડવાની સંભાવના છે.

6 જુલાઈના રોજ નવસારી, સુરત અને આણંદમાં વરસાદની આગાહી
બીજી બાજુ તારીખ 6 જુલાઈના રોજ નવસારી, સુરત, આણંદ વડોદરા, ભરૂચ, સુરત, પોરબંદર, ભાવનગર, અમરેલી, દ્વારકા, બોટાદ અને ગીર સોમનાથમાં વરસાદની આગાહી કરવામાં આવી છે.

રાજ્યમા કુલ 70 તાલુકામા વરસ્યો વરસાદ
દક્ષિણ ગુજરાત અને સૌરાષ્ટ્રમાં મેઘો ઘડબડાતી બોલાવી રહ્યો છે. સોમવારે રાજ્યના કુલ 70 તાલુકામા વરસાદી મહેર જોવા મળી છે.અમરેલી સાવરકુંડલા અને ખાંભામાં 3 ઇંચ વરસાદ, પારડીમા 3 ઇંચ ઉમરગામમાં 2.5 ઇંચ વરસાદ, વાપી 2 ઇંચ  વિસાવદરમા 2 ઇંચ વરસાદ, સુરતના પલસાનામા 2 ઇંચ વરસાદ નોંધાયો છે.

સુરત અને નવસારીમાં NDRFની ટીમ તૈનાત કરી દેવાઇ
સુરત અને નવસારીમાં NDRFની ટીમ તૈનાત કરી દેવાઇ છે. ભારે વરસાદની આગાહીને પગલે NDRFની ટીમ એલર્ટ થઇ ગઇ છે. સુરત અને નવસારીમાં 25 સભ્યોની ટીમ આવી પહોંચી છે.
હાલ નીચાણવાળા વિસ્તારનો અભ્યાસ કરવામાં આવી રહ્યો છે.

રાજ્યમાં આજે મેઘરાજાએ કઇ-કઇ જગ્યાએ ધડબડાટી બોલાવી?
સાવરકુંડલામાં ગ્રામ્ય વિસ્તારમાં સારો એવો વરસાદ વરસતા સાવરકુંડલાના ભમોદરા, ઠવી, વિરડી, મિતિયાળા અને કૃષ્ણગઢ ગામે વરસાદે રમઝટ બોલાવી. જો કે, ધોધમાર વરસાદના કારણે સાવરકુંડલા ગોજારો નદીમાં પૂર જેવી સ્થિતિ સર્જાઇ છે.સાવરકુંડલા સહિત તાલુકાભરમાં ધોધમાર વરસાદ વરસતા સાવરકુંડલાની મધ્યમાંથી પસાર થતી નાવલી નદીમાં પૂર આવ્યું. નાવલી નદીમાં સીઝનનું પ્રથમ પૂર આવતા લોકો પૂર જોવા ઉમટી પડ્યા છે. સાવરકુંડલા સહિત તાલુકાભરમાં હાલ ધોધમાર વરસાદ વરસી રહ્યો છે. ઉપલેટા શહેર અને ગ્રામ્ય પંથકમાં ધોધમાર વરસાદ વરસ્યો છે. ઉપલેટાના ગ્રામ્ય વિસ્તારમાં દોઢ ઈંચથી વધુ વરસાદ ખાબકતા ઉપલેટાના ચકલી ચોરા, જવાહર રોડ વિસ્તારમાં પાણી ભરાઇ ગયા છે. ઉપલેટાના ઈસરા, વાડલા, સમઢીયાલા, ડુમિયાણી અને મોજીરા ગામમાં વરસાદ વરસતા ખેડૂતોમાં ખુશીનો માહોલ જોવા મળ્યો છે. સુરતમાં 6 કલાકમાં પોણા બે ઇંચ વરસાદ પડ્યો છે. સતત વરસાદના પગલે અનેક વિસ્તારમાં પાણી ભરાઇ ગયા છે. સુરત જિલ્લામાં સૌથી વધુ વરસાદ ચોર્યાસી તાલુકામાં નોંધાયો છે. 6 કલાકમાં ચોર્યાસી તાલુકામાં 1 ઈંચ જેટલો વરસાદ નોંધાયો છે.