ચોમાસુ / છેલ્લા 24 કલાકમાં રાજ્યના 147 તાલુકામાં મેઘમહેર, અનેક વિસ્તારોમાં જળબંબાકાર

અત્યાર સુધી સૌથી વધુ મેંદરડામાં 4 ઈંચ વરસાદ નોંધાયો છે. તો લાલપુરમાં પોણા ત્રણ ઈંચ, સોનગઢમાં અઢી ઈંચ વરસાદ, નોધાયો, તો ભાવનગર, કુતિયાણા, માણાવદર, ભૂજમાં, કેશોદ સહિતના તમામ વિસ્તારોમાં 2.5 ઈચ વરસાદ નોધાયો છે.

જ્યારે હવામાન વિભાગ દ્વારા ભરૂચ, નર્મદા, કાપી, જામનગર, પોરબંદર, સૌરાષ્ટ્ર, કચ્છ સહિતના વિસ્તારોમાં ભારે વરસાદની આગાહી કરવામાં આવી છે. સાથો સાથ મુંબઈમાં પણ ભારેથી અતિભારે વરસાદ પડે તેવી શક્યતા છે. તો વરસાદ થતા રાજ્યના અનેક જિલ્લાઓમાં લોકોને ગરમીથી આંશિક રાહત મળશે.

તો સુરત શહેરમાં વહેલી સવારથી અચાનક વાતાવરણમાં પલ્ટો આવતા શહેરમાં ધીમી ધારે વરસાદનું આગમન થયું છે. સમગ્ર શહેરમાં વરસાદ પડતા વાતાવરણમાં ઠંડક પ્રસરી છે. જેથી સુરત વાસીઓને ગરમીથી રાહત રાહત મળી છે.

ઉલ્લેખનીય છે કે, બે દિવસથી રાજ્યના અનેક વિસ્તારોમાં વરસાદ શરૂ થયો છે. દક્ષિણ અને મધ્ય ગુજરાતમાં વરસાદની ધમાકેદાર એન્ટ્રી થઈ છે. તો સૌરાષ્ટ્ર અને ઉત્તર ગુજરાતના કેટલાક વિસ્તારોમાં પણ વરસાદી માહોલ સર્જાયો છે. ત્યારે હવે દક્ષિણ ગુજરાત અને સૌરાષ્ટ્રમાં ભારે વરસાદ પડે તેવી આગાહી હવામાન વિભાગે કરી છે.