ગુજરાતમાં બે દિવસ ભારે વરસાદની આગાહી જાણો કયા કેટલો પડ્યો વરસાદ

રાજ્યમાં ફરી વરસાદની એન્ટ્રી થઈ છે.  રાજ્યના 187 તાલુકાઓમાં વરસાદ વરસી રહ્યો છે. ત્યારે ગુજરાતના કેટલાક સ્થળોએ હવામાન વિભાગે આગામી બે દિવસ સુધી ભારે વરસાદની આગાહી કરી છે. જેમાં દક્ષિણ-મધ્ય ગુજરાતમાં ભારે વરસાદની શક્યતા છે. 

મળતી માહિતી અનુસાર છેલ્લા 24 કલાકમાં સૌથી વધુ ગોધરામાં 5 ઈંચ વરસાદ નોંધાયો છે. રાજ્યમાં અનેક તાલુકામાં વરસાદ વરસ્યો છે.  મોરવાહડફમાં 4.5 ઈંચ બાલાસિનોર 4 ઈંચ કપડવંજમાં 4 હાલોલમાં 4 શહેરામાં 4 ઈંચ સંતરામપુરમાં 4 ધરમપુરમાં 4 ઈંચ વઘઈમાં 4 ઈંચ કઠલાલમાં 3.75 ઈંચ જાંબુઘોડમાં 3.5 ઈંચ જેતપુર પાવીમાં 3 ઈંચ ફતેપુરમાં 3 ઈંચ ગરબાડા 3 ઠારસા 3 ઉમરપાડામાં 3 ઈંચ જાલોદમાં 2.75 ઈંચ કવાટમાં 2.5 ઈંચ  મેઘરજમાં 2.5 ઈંચ સંજેલીમાં 2.5 ઈંચ મહુધામાં 2.5 સાવલીમાં 2.5 કાલોલમાં 2.5 ઈંચ વીરપુર 2.5 માંડવીમાં 2.5 છોટાઉદેપુરમાં 2.5 ઈંચ માંગરોડમાં 2.5 ઈંચ માલપુરમાં 2 ઈંચ વ્યારામાં 2 ધનસુરમાં 2 લીમખેડામાં 2 સીંગવડમાં 2 ઈંચ લુણાવાડામાં 2 ઈંચ ઉમરેઠમાં 2 ઈંચ બોડેલીમાં 2 ઈંચ વરસાદ નોંધાયો છે. વરસાદની ફરીથી એન્ટ્રી થતા સ્થાનિકોમાં ખુશીનો માહોલ જોવા મળ્યો છે.. 

આ તરફ પંચમહાલમાં ધોધમાર વરસાદના પગલે પાનમ ડેમ 80 ટકા છલકાયો છે. છેલ્લા 24 કલાકમાં પડેલા ભારે વરસાદથી પાનમ ડેમની જળસપાટી વધી છે. ડેમની ભયજનક સપાટી 127.41 મીટર છે. જયારે ડેમની હાલની સપાટી 126.મીટરે પહોંચી છે. જળસપાટી વધતા નદીકાંઠાના વિસ્તારોને અલર્ટ કરવામાં આવ્યા છે. 

તાપી જિલ્લામાં મેઘમહેર યથાવત્ છે. જિલ્લાના અનેક વિસ્તારોમાં વરસાદ વરસી રહ્યો છે. જિલ્લામાં વરસાદ આવતા અનેક ડેમમાં પાણીની આવકમાં વધારો થયો છે.. વરસાદ આવતા ઉકાઈ ડેમમાં પાણીની આવકમાં વધારો થયો છે. ડેમની સપાટી 306.80 ફૂટ પર પહોંચીછે. મહત્વનુ છે કે ડેમની ભયજનક સપાટી 345 ફૂટ છે.

અરવલ્લી જિલ્લામાં સાર્વત્રિક મેઘમહેર જોવા મળી છે. મોડાસામાં 2 ઈંચ ભિલોડામાં 2 ઈંચ મેઘરજમાં 2.5 ઈંચ માલપુરામાં 2.5 ઈંચ બાયડમાં 1.5 ઈંચ ધનસુરામાં 2 ઈંચ વરસાદ નોંધાયો છે. જિલ્લાભરમાં વરસાદી માહોલથી ઠંડક પણ પ્રસરી છે. ખેતીના પાકને વરસાદના કારણે જીવનદાન મળ્યું છે.