એલર્ટ / દેશમાં વધુ એક વાવાઝોડાનો ખતરો, છ જિલ્લામાં સ્કૂલ-કૉલેજ બંધ

• દક્ષિણ ભારતમાં ભારે વરસાદની ચેતવણી, છ જિલ્લામાં ઓરેન્જ એલર્ટ કરવામાં આવ્યું છે
• હવામાન વિભાગે લક્ષદ્વિપમાં બે દિવસનું રેડ એલર્ટ જારી કર્યું છે
• ત્રિશૂર અને પલક્કડ જિલ્લામાં યલો એલર્ટ જારી કરવામાં આવ્યું છે

ચોમાસાની સિઝન ખતમ થયા બાદ પણ દેશના ઘણા ભાગમાં વરસાદ ચાલુ છે. હવામાન વિભાગે લક્ષદ્વિપમાં બે દિવસનું રેડ એલર્ટ જારી કર્યું છે. તો બીજી બાજુ કેરળના છ જિલ્લામાં ઓરેન્જ એલર્ટ કરવામાં આવ્યું છે. ત્રિશૂર અને પલક્કડ જિલ્લામાં યલો એલર્ટ જારી કરવામાં આવ્યું છે. મોસમનું પૂર્વાનુમાન જારી કરનારી એજન્સી સ્કાઇમેટના રિપોર્ટ પ્રમાણે તકમિલનાડુ, કેરળ, તટિય અને દક્ષિણ આંતરિક કર્ણાટક અને લક્ષદ્વીપમાં કેટલાક સ્થાનો પર ભારથી વધારે વરસાદ પડી શકે છે. આ ઉપરાંત પોંડીચેરી, કરાઇકલ, આંધ્રપ્રદેશ, તેલંગણામાં ભારી વરસાદની આશંકા છે. આટલું જ નહીં મરાઠાવાડ, કોંકણ, ગોવા અને માહીમાં તોફાન વાવઝોડું પણ આવી શકે છે. 

મીડિયા રિપોર્ટ અનુસાર ભારે વરસાદને લઇને ભારે એલર્ટને જોતા તમિલનાડુના છ જિલ્લામાં  તમામ શૈક્ષિણક સંસ્થાઓ બુધવારે બંધ રાખવાનો નિર્દેશ આપવામાં આવ્યો છે. હવામાન વિભાગ તરફથી આપેલી ચેતવણીમાં કહેવામાં આવ્યું છે કે અરબ સાગરના પશ્ચિમ મધ્ય કિનારા વિસ્તારમાં મોટાભાગે 170 કિલોમીટરની ઝડપથી પવન ફૂંકાશે. માછીમારોને દરિયામાં નહીં જવાની સલાહ આપી છે. 

India Meteorological Department (IMD) has issued Red Alert in Lakshadweep for two days and Orange Alert in 6 districts of Kerala, as extremely heavy rains expected in the area. Also, Yellow Alert issued in Thrissur and Palakkad districts. pic.twitter.com/j4HoMQ5ZiF

— ANI (@ANI) October 30, 2019

બંગાળની ખાડી પર બનેલું નિમ્ન દબાણનું ક્ષેત્ર હવે ગાઢ નિમ્ન દબાણના ક્ષેત્રમાં ફેરવાઇ ગયું છે. આ મોસમી સિસ્ટમ ઉત્તર પશ્ચિમ દિશાથી પસાર થતા દક્ષિણ પૂર્વ અરબ સાગર પર પહોંચીને વધારે શક્તિશાળી બની શકે છે. અરબ સાગરની સરખામણીમાં બંગાળની ખાડીમાં ઘણી સંખ્યામાં વમળીઓ બને છે. જો કે આ વર્ષે સ્થિતિ અલગ છે. અરબ સાગરમાં પહેલાથી ત્રણ વાવાઝોડા આવી ગયા છે અને ચોથું આવે એવી શક્યતા છે. 

જો અરબ સાગરમાં ચક્રવાતી તોફન બને છે તો એનું નામ 'મહા' હશે. આ પહેલા વાવાઝોડું વાયુ, હિકા અનવે ક્યાર જોવા મળ્યા છે. જો કે આ તોફાનની સીધી અસર ભારતના મુખ્ય ભૂ ભાગ પર ઓછું જ પડશે. જો કે એના કારણે બેને સિસ્ટમથી તમિલનાડુ, કેરળ, કર્ણાટકની સાથે સાથે લક્ષદ્વીપમાં ભારેથી વધારે ભારે વરસાદ પડતો રહેશે.