મહામારી / હોસ્પિટલો તૈયાર રાખજો, સ્થિતિ ગમે ત્યારે બગડી શકે, દેશમાં કોરોના વકરતા રાજ્યોને કેન્દ્ર સરકારનું મોટું એલર્ટ

• ભારતમાં કોરોના વકર્યો
• કેન્દ્ર સરકારે તમામ રાજ્યોને લખ્યો પત્ર 
• હોસ્પિટલો તૈયાર રાખવાનો આદેશ 

કોરોનાના કેસોની વધતી સંખ્યા વચ્ચે કેન્દ્ર સરકારે તમામ રાજ્યોને પત્ર લખ્યો છે. કેન્દ્ર સરકારે રાજ્યોને લેટર લખીને પરિસ્થિતિ પર ચાંપતી નજર રાખવા જણાવ્યું છે. કેન્દ્રના આરોગ્ય સચિવ રાજેશ ભૂષણે રાજ્યો અને કેન્દ્રશાસિત પ્રદેશોને લખેલા પત્રમાં જણાવ્યું હતું કે, હાલની પરિસ્થિતિમાં કોરોનાના કેસોમાં તેજી વચ્ચે માત્ર પાંચથી 10 ટકા સક્રિય કેસોને હોસ્પિટલમાં દાખલ કરવાની જરૂર છે.

In the present surge, 5-10% of active cases needed hospitalisation so far. The situation is dynamic & evolving, the need for hospitalisation may change rapidly. All States/UTs advised to keep watch on situation of total no. of active cases:Health Secy Rajesh Bhushan to States/UTs pic.twitter.com/vTElVzuumX

— ANI (@ANI) January 10, 2022

હોસ્પિટલમાં દાખલ થનાર લોકોની સંખ્યામાં વધારો થશે 

રાજેશ ભુષણે કહ્યું કે દેશમાં સ્થિતિ ઝડપથી બદલાઈ રહી છે અને કેસોની ગતિ પણ દરરોજ વધી રહી છે. હોસ્પિટલમાં દાખલ થવાની સંખ્યામાં પણ ઝડપથી વધારો થઈ શકે છે. આપણે તેના માટે તૈયાર રહેવું પડશે. તમામ રાજ્યો અને કેન્દ્રશાસિત પ્રદેશોને કુલ કેસોની સંખ્યા અને સક્રિય કેસોની સંખ્યા પર નજર રાખવાની સલાહ આપવામાં આવે છે.

આજે કેન્દ્ર સરકારે રાજ્યોને શું આપ્યું એલર્ટ 
હાલમાં 5થી 10 ટકા લોકોને હોસ્પિટલની જરુર
ગમે ત્યારે સ્થિતિ બગડી શકે છે
રાજ્યોએ હોસ્પિટલો તૈયાર કરવી રાખવી જોઈએ
રાજ્યોને કોરોનાના સક્રિય કેસો પર નજર રાખવાનો આદેશ 

હોસ્પિટલો તૈયાર રાખજો-રાજ્યોને કેન્દ્રનો આદેશ 
કેન્દ્રના આરોગ્ય સચિવ રાજેશ ભૂષણે તમામ રાજ્યો  અને કેન્દ્રશાસિત પ્રદેશોને હોસ્પિટલો તૈયાર કરી રાખવાનો આદેશ આપ્યો છે. તેમણે કહ્યું કે હાલમાં 5થી 10 ટકા લકોોને હોસ્પિટલમાં દાખલ થવાની જરુર પણ પરંતુ ગમે ત્યારે તેમાં વધારો થઈ શકે છે માટે કેન્દ્ર સરકારે રાજ્યોને આગોતરી ચેતવણી આપી છે. 
ભારતમાં કોરોના સંકટ ઘેરુ બનવાના એંધાણ
રાજ્યોને આપેલી કેન્દ્ર સરકારની નવી ચેતવણી જોતો દેશમાં કોરોના સંકટ ઘેરુ બનવાના એંધાણ છે. આજે ભારતમાં 1.79 લાખ કોરોના કેસ નોંધાયા છે.