ગુજરાતમાં ડેલ્ટા વેરિયન્ટને લઈને આરોગ્ય સચિવ દ્વારા મહત્વનું નિવેદન આપવામાં આવ્યું. જેમા તેમણે જણાવ્યું કે ડેલ્ટા વેરિયન્ટને લઈને સરકાર દ્વારા પણ ચાપતી નજર રાખવામાં આવે છે અને રોજના 30 થી 40 સેપ્મલ પુણે લેબમાં ટેસ્ટ માટે મોકલવામાં આવે છે.
ડેલ્ટા પ્લસ વેરિયન્ટને લઈને યોજાઈ પત્રકાર પરિષદ
રોજના 30 સેમ્પલ બેલમાં ટેસ્ટ થાય છે
ડેલ્ટા વેરિયન્ટને લઈને લોકોમાં ભયનો માહોલ
આરોગ્ય વિભાગના અગ્ર સચિવ મનોજ અગ્રવાલ દ્વારા આજે પત્રકાર પરિષદ યોજવામાં આવી હતી. આ પત્રકાર પરિષદ ડેલ્ટા પ્લસ વેરિયન્ટને લઈને યોજાઈ હતી જેમા તેમણે કહ્યું કે ગુજરાતમાં ડેલ્ટા પ્લસનો એક પણ કેસ હજુ સુધી નોંધાયો નથી. સાથેજ તેમણે એવું પણ કહ્યું હતું કે રાજ્ય સરકાર દ્વારા આ મુદ્દે ચાંપતી નજર રાખવામાં આવી રહી છે.
પુણેની લેબમાં સેમ્પલ ટેસ્ટિંગ
વધુંમાં તેમણે એવું પણ કહ્યું કે પુણેની લેબમાં સેમ્પલ મોકલવામાં આવ્યા છે. જો તે સેમ્પલ રિપોર્ટ પોઝિટિવ આવશે તો કાર્યવાહી કરવા મામલે પણ તેમણે તૈયારીઓ દર્શાવી છે. કોરોનાની બીજી લહેર રાજ્ય માટે ઘણી ઘાતક સાબિત થઈ છે. આ લહેરમાં ઘણા લોકોના કોરોનાને કારણે મોત થયા છે તેવામાં ડેલ્ટા વેરિયન્ટને લઈને લોકોમાં હવે ભયનો માહોલ ફેલાયેલો છે.
24 કલાકમાં 30 સેમ્પલ લેવાયા
જોકે હાલ રાજ્યમાં સંક્રમણમાં ઘણો ઘટાડો થયો છે. છેલ્લા 24 કલાકમાં ગુજરાતમાં કુલ 130 કેસ નોંધાયા છે. ડેલ્ટા વેરિયન્ટને લઈને દરરોજ 30 થી 40 જેટલા સેમ્પલ લેવામાં આવે છે. છેલ્લા 24 કલાકમાં પણ 30 જેટલા સેમ્પલ લેવામાં આવ્યા છે. જો તે સેમ્પલમાંથી એક પણ વ્યક્તિનો રિપોર્ટ પોઝિટીવ આવ્યો તો તેને લઈને પણ સરકાર દ્વારા તૈયારી રાખવામાં આવી છે.
ડેલ્ટા વેરિયન્ટને કારણે એન્ટિબોડીમાં ફેરફાર
નેશનલ ઈન્સ્ટિટ્યૂટ ઓફ વાયરોજી તેમજ હૈદરાબાદ સ્થિત સેન્ટર ફોર સેલ્યુલર એન્ડ મોલેક્યુલર બાયોલોજી દ્વારા ભારતની વેક્સિન ડેલ્ટા વેરિયન્ટ સામે કેટલી અસરકારક છે તે જાણવાના પ્રયાસ કરવામાં આવ્યા. જેમા સામે આવ્યું કે વેક્સિન અસરકારક છે. પરંતુ ડેલ્ટા વેરિયન્ટને કારણે એન્ટિબોડી મૂળ કોરોના વાયરસની સરખામણીએ ઓછી બને છે.
લોકોમાં ભયનો માહોલ
ઉલ્લેખનીય છે કે રાજ્યમાં હાલ કોરોના વાયરસને લઈને પરિસ્થિતીમાં ઘણો સુધારો આવ્યો છે. સરકાર દ્વારા પણ હવે રાત્રી કર્ફયુનો સમય ઘટાડીને 10 વાગ્યા પછીનો કરી દેવામાં આવ્યો છે. સાથેજ સરકાર દ્વારા વેક્સિનેશન ઉપર પણ ઘણો ભાર આપવામાં આવ્યો છે. પરંતુ હાલ ડેલ્ટા વેરિયન્ટને લઈને લોકોમાં ભયનો માહોલ ફેલાયેલો છે.