આરોગ્ય અગ્ર સચિવ જ્યંતિ રવિએ પત્રકાર પરિષદ યોજી હતી. જેમાં તેમણે કહ્યું કે, સુરતમાં સાંજે એક પોઝિટિવ કેસ સામે આવ્યો છે. જ્યારે અમદાવાદમાં 3 અને સુરતમાં 1 મળી 4 દર્દી સ્વસ્થ થતા ડિસ્ચાર્ચ થયા છે. ગુજરાતમાં કુલ 70 પોઝિટિવ કેસ નોંધાયા છે.
આરોગ્ય અગ્ર સચિવ જ્યંતિ રવિની પત્રકાર પરિષદ
કોરોનાના રાજ્યમાં કુલ 70 કેસ
રાજ્યમાં અત્યાર સુધીમાં 4 લોકો રિકવર
કોરોનાને કારણે સમગ્ર દેશમાં હાહાકાર છે. ગુજરાતમાં પણ દિવસેને દિવસે કોરોનાના પીડિતો વધી રહ્યા છે. જે આપણા માટે ચિંતાજનક છે. જો કે સરકાર બનતા તમામ પ્રયાસો કરી રહી છે. પરંતુ એકલી સરકારથી કંઈ નહીં થાય. આપણે બધા જ લોકો સાથ અને સહકાર આપીશું તો આ મહામારીમાંથી વિજયી થઈ શકીશું. રાજ્યમાં અત્યાર સુધી કોરોનાને કારણે છ મહામુલી જિંદગીનો અંત આવ્યો છે અને 70 લોકો કોરોનાથી પીડિત છે. ગુજરાત આરોગ્ય વિભાગના અગ્ર સચિવ જયંતિ રવિએ આજે કોરોનાને લઈ મહત્વપૂર્ણ જાણકારી આપી હતી.
સૌરાષ્ટ્રમાં પણ કોરોનાના કેસમાં વધારો જોવા મળ્યો છે. ત્યારે લૉકડાઉન છતા પણ લોકો તેનું ઉલ્લંઘન કરી રહ્યા છે. ત્યારે હાલની કોરોના વાયરસની પરિસ્થિતિ અંગે આરોગ્ય અગ્ર સચિવે પ્રેસ કોન્ફરન્સ કરી હતી. જેમાં તેમણે જણાવ્યું કે, અત્યાર સુધી 1321 લેબ ટેસ્ટ કરવામાં આવ્યા છે. 1321માંથી 1244 નેગેટિવ રિપોર્ટ આવ્યા છે. લોકલ ટ્રાન્સમિશન વાળા અત્યાર સુધી 34 કેસ આવ્યા છે.
જીલ્લાનું નામ
પોઝિટિવ કેસ
સાજા થયા
મૃત્યુઆંક
અમદાવાદ
23
3
3
ભાવનગર
6
0
2
ગાંધીનગર
9
0
0
ગીર સોમનાથ
2
0
0
કચ્છ
1
0
0
ખેડા
0
0
0
મહેસાણા
1
0
0
પોરબંદર
1
0
0
રાજકોટ
9
0
0
સુરત
9
1
1
વડોદરા
9
0
0
કુલ
70
4
6
70 કેસમાંથી વિદેશથી આવ્યા હોય તેવા 32 પોઝિટિવ કેસ છે. આંતરરાજ્ય આવ્યા હોય તેવા 4 પોઝિટિવ કેસ છે. ચેપ લાગવાથી 36 પોઝિટિવ કેસ નોંધાયા છે. કોરોન્ટાઈન અને આઈસોલેશનમાં રહેલા લોકો માટે 1100 હેલ્પલાઈન નંબર શરૂ કરાયો છે. શારિરીક અને માનસિક સારવાર માટે હેલ્પલાઈન શરૂ કરી છે.
અમદાવાદમાં કોરોના સંક્રમિત 2 દર્દીઓ થયા રિકવર
રાજ્યમાં કોરોનાના કારણે લોકોમાં ભયનો માહોલ જોવા મળી રહ્યો છે. ત્યારે કોરોનાની દહેશત વચ્ચે અમદાવાદમાં બે દર્દીઓ રિકવર થયા છે. અમદાવાદની SVP હોસ્પિટલમાં 10 દિવસથી સારવાર લઈ રહેલા બે દર્દીઓ સંપૂર્ણ રીતે સાજા થયા છે. 62 અને 62 વર્ષીય બે પુરૂષ રિકવર થઈને ઘરે ગયા છે. 10 દિવસ પહેલા બન્ને દર્દીઓના રિપોર્ટ પોઝિટિવ આવ્યા હતા. જેના કારણે તેમને SVP હોસ્પિટલમાં દાખલ કરવામાં આવ્યા હતા. 10 દિવસની સારવાર બાદ તેઓ ઠીક થઈને હોસ્પિટલમાં ઘરે ગયા છે.