વાયુ પ્રદૂષણ, તમાકુ, ધૂમ્રપાન સહિત અન્ય ઘણા કારણો છે, જેના કારણે ફેફસાંને અસ્થમા, સીઓપીડી અને અન્ય રોગોનું જોખમ રહે છે, તો જાણીએ કે ફેફસાંને ડિટોક્સ કેવી કરી શકાય?
ક્વિનોઆ સલાડ ફેફસાં અને શરીર બંને માટે ફાયદાકારક છે
Lungs Detox Food: આપણને મજબૂત અને સ્વસ્થ રાખવામાં ફેફસાં એટલે કે લગ્સ મહત્વની ભૂમિકા ભજવે છે તેની આપણે ઘણીવાર અવગણના કરીએ છીએ. એવું કહેવું ખોટું નથી કે આપણે આપણા ફેફસાંની ત્યારે જ કાળજી રાખીએ છીએ જ્યારે આપણને શ્વાસની તકલીફ થાય છે.
ફેફસાં આપણા માટે ખૂબ જ મહેનત કરે છે અને તેથી આપણે તેમની ખાસ કાળજી લેવાની પણ જરૂર છે જેથી ફેફસાં ભવિષ્યમાં વધુ સારી રીતે કામ કરી શકે. વાયુ પ્રદૂષણ, તમાકુ, ધૂમ્રપાન સહિત અન્ય ઘણા કારણો છે, જેના કારણે ફેફસાંને અસ્થમા, સીઓપીડી અને અન્ય રોગોનું જોખમ રહે છે, તો આજે એવી કેટલીક ખાદ્ય વસ્તુઓ વિશે જણીએ, જે ફેફસાંને ડિટોક્સ કરવામાં અને તેમની કાર્યક્ષમતામાં સુધારો કરવામાં મદદ કરી શકે છે.
લગ્સને ડિટોક્સ કરવા માટે શું ખાવું ?
ગ્રીન સ્મૂધી:
ફેફસાંને ફ્રેશ અને ડિટોક્સ કરવા માટે પાલક, કાકડી, સફરજન અને લીંબુનો રસ એકસાથે બ્લેંડ કરો. આ ગ્રીન સ્મૂધી ફેફસાં માટે ખૂબ જ ફાયદાકારક સાબિત થઈ શકે છે.
દાળ અથવા શાકભાજીનો સૂપ:
દાળ અથવા વિવિધ શાકભાજી સાથે બનેલા સૂપ પણ ફેફસાંને હેલ્દી રાખવામાં મદદ કરે છે. ગાજર, અજમો, ડુંગળી, લસણ અને હળદર જેવી વસ્તુઓ ફેફસાં માટે ફાયદાકારક હોઈ શકે છે.
ટોફુ અને તમામ રંગોના શાકભાજી:
લસણ, આદુ અને આમલીની ચટણીમાં કેપ્સિકમ, બ્રોકોલી અને વટાણા જેવા રંગબેરંગી શાકભાજી સાથે ટોફુને ફ્રાય કરો. આ હેલ્ધી અને ટેસ્ટી સલાડ ફેફસાને મજબૂત બનાવી શકે છે.
ગરમ પાણી અને લીંબુ:
એક ગ્લાસ ગરમ પાણીમાં અડધુ લીંબુ નીચોવીને સવારે નરણા કોઢે પીવો, તે ફેફસાંની સાથે આખા શરીરને ડિટોક્સ કરવામાં મદદ કરશે.
ક્વિનોઆ સલાડ:
રાંધેલા ક્વિનોઆ, સાગ, ચેરી ટામેટાં, કાકડી, એવોકાડો, ઓલિવ ઓઇલ અને લીંબુના રસના થોડા ટીપાં ઉમેરીને હેલ્ધી સલાડ બનાવો. તે ફેફસાં અને શરીર બંને માટે ફાયદાકારક સાબિત થઈ શકે છે.
બેરી અને ઓટ્સ:
ઓટ્સને પાણીમાં અથવા પ્લાન્ટ બેઝ્ડ દૂધમાં રાંધો અને તેમાં થોડીક બ્લુબેરી અથવા સ્ટ્રોબેરી ઉમેરો. તમે તેને નાસ્તામાં સામેલ કરી શકો છો.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.