હેડ ક્લાર્ક / પેપરલીક કેસમાં પોલીસને મળી ગયો મુખ્ય સૂત્રધાર, ગૃહ રાજ્યમંત્રી હર્ષ સંઘવી કાલે સવારે 10 વાગ્યે પ્રેસ સંબોધશે

• હેડક્લાર્કની પરીક્ષાના પેપરલીકના મામલે ખુલાસો
• આવતીકાલે ગૃહ રાજ્યમંત્રી હર્ષ સંઘવી કરી શકે છે જાહેરાત
• સવારે 10.00 વાગ્યે હર્ષ સંઘવી મીડિયાને માહિતી આપશે

હેડક્લાર્કની પરીક્ષાના પેપર લીક થવાનો મામલો હવે ગરમાતો જઈ રહ્યો છે. કારણ કે, આ કેસમાં એક પછી એક નવા-નવા વળાંક આવી રહ્યા છે.. ગુરુવારે બપોર બાદ  યુવરાજસિંહ જાડેજા ગૌણ સેવા  પસંદગી મંડળને  પૂરાવા રૂબરૂ સોંપવા માટે ગયા હતા જ્યાં તે ચેરમેન અસિત વોરાને મળ્યા ગુપ્ત પુરાવા સોંપ્યા હતા. ત્યારે જો સમગ્ર કેસમાં ગૌણ સેવા પસંદગી મંડળ ફરિયાદી બને તો હેડ ક્લાર્કની પરીક્ષા રદ થવાની પૂરેપૂરી સંભાવના છે. 80 હજાર ઉમેદવારોએ 186 જગ્યા માટે પરીક્ષા આપી હતી પણ પેપર લીક થતાં પરીક્ષા રદ કરવાનો નિર્ણય ગમે તે ઘડીએ લેવાશે તેવી માહિતી ખાસ સૂત્ર દ્વારા પ્રાપ્ત થઈ રહી છે. 

કાલે સવારે 10 વાગ્યે હર્ષ સંધવી આપશે તપાસની માહિતી
હેડક્લાર્કની પરીક્ષાના પેપરલીકનો મામલો ગુંચ યથાવત જોવા મળી રહી છે. ત્યારે ગૃહરાજ્યમંત્રીએ હર્ષ સંધવી હવે એક્શન મોડમાં આવ્યા છે. તાત્કાલિકના ધોરણે તપાસમાં જોડાયેલા અધિકારીઓને બેઠકમાં હાજર રહેવાનો આદેશ કર્યો હતો. જે બાદ પેપરલીક કેસમાં અત્યાર સુધીની તપાસ મુદ્દે ચર્ચાઑ થઈ હતી. જે બાદ ગૃહરાજ્યમંત્રી હર્ષ સંઘવી આવતીકાલે શુક્રવારે મોટી જાહેરાત કરી શકે છે. સવારે 10.00 વાગ્યે હર્ષ સંઘવી મીડિયાને સમગ્ર કેસ તપાસ અને નિર્ણય અંગે જાણકારી આપશે. 

જયેશ ઉર્ફે મુકેશ પટેલ પેપરલીક કેસમાં મુખ્ય સૂત્રધાર 
પેપર લીક કેસમાં પોલીસને હાથે લાગી મહત્વની માહિતી હાથ લાગી હોવાની સૂત્ર દ્વારા જાણકારી મળી રહી છે કે પોલીસ પેપર લીક કરનાર આરોપીઓ સુધી પહોંચી ગઈ છે. જયેશ ઉર્ફે મુકેશ પટેલની પેપરલીક કેસમાં સંડોવણી સામે આવી છે. જયેશ પટેલે પેપર ફોડ્યુ હોવાનું બહાર આવ્યું છે જેમાં તેની મદદ દેવલ પટેલ નામના શખ્સે કરી હતી. જયેશ સામે પ્રાંતિજ પોલીસમાં એક ફરિયાદ નોંધાયેલી છે. દેવલ પટેલ જયેશ પટેલનો ભત્રીજો છે પણ  કાકા-ભત્રીજા બંને હાલમાં પોલીસ સંપર્કથી બહાર છે.સાબરકાંઠાની પોલીસ તપાસમાં જયેશ પટેલ મુખ્યસૂત્રધાર સાબિત થયો છે. પ્રાંતિજનો રહેવાસી જયેશ પટેલ લીક કરી કોપી લાવ્યો હતો.

હું રાજીનામુ નથી આપવાનો-અસિત વોરા
GSSSBના ચેરમેને રાજીનામાની ચર્ચાને આપ્યો રદિયો
વધુ એક પેપરલીક થવાને કારણે અસિત વોરા પર રાજીનામાનું દબાણ
અસિત વોરાના રાજીનામાની ચર્ચા શરૂ થઇ