કાર્યવાહી / લાંચિયા બાબુઓ ફફડી ઉઠયા, રાજ્યભરમાં ACBની ટીમો સક્રિય, 4ને રંગેહાથ ઝડપ્યા

• વડોદરાના વાઘોડિયા સેવા સદન ખાતે ACBની સફળ ટ્રેપ
• મહેસાણાના નાગલપુર ગામના તલાટી લાંચ લેતા પકડાયા
• મહેસાણામાં ACBના છટકામાં આવ્યો લાંચિયો વચેટિયો

આજે રાજ્યના ત્રણ શહેરમાં ચાર લાંચની ઘટના સામે આવી છે, મહેસાણાના નાગલપુર ગામનો તલાટી લાંચ લેતા પકડાયા છે તેમજ મહેસાણામાં બીજા કિસ્સામાં  ACBના છટકામાં લાંચિયો વચેટિયો આવ્યો છે. વડોદરાના વાઘોડિયા સેવા સદન ખાતે આઉટસોર્સિંગ કર્મી લાંચ લેતા ઝડપાયો છે. વલસાડમાં ACBના સંકજોમાં નાયબ કાર્યપાલક ઇજનેર આવ્યો છે.

મહેસાણાના નાગલપુર ગામના તલાટી લાંચ લેતા પકડાયા
મહેસાણાના નાગલપુર ગામના તલાટી લાંચ લેતા પકડાયા ઝડપાયો છે. રૂપિયા 15000ની લાંચ લેતા એસીબીના છટકામાં તલાટી ઝડપાયો છે.  દાખલો કાઢી આપવા માટે 27000ની લાંચ  માંગી હતી. રૂપિયા 27,000ની લાંચનો પ્રથમ હપ્તા પેટે 15000ની લાંચ લેતા ઝડપાયો છે. મહેસાણા એસીબીએ છટકું ગોઠવી તલાટીને ઝડપી લીધા છે.

મહેસાણામાં ACBના છટકામાં આવ્યો લાંચિયો વચેટિયો
મહેસાણામાં મહેન્દ્રસિંહ રાજપૂત નામનો વચેટિયો લાંચ લેતા ઝડપાયો છે. બિન અનામત શૈક્ષણિક અને આર્થિક વિકાસ નિગમ શાખામાં લાંચ લેતા વચેટિયો ઝડપાયો છે. 5 લાખની લોન મંજૂર કરવા માટે 65 હજારની લાંચ માગી હતી. રકઝકના અંતે 35 હજારમાં સોદો નકકી થયો હતો. 35 હજાર લાંચ વચેટિયો મહેન્દ્રસિંહ રાજપૂત લેતા ઝડપાયો છે. 

વડોદરાના વાઘોડિયા સેવા સદન ખાતે ACBની સફળ ટ્રેપ
વડોદરાના વાઘોડિયા સેવા સદન ખાતે ACBની સફળ ટ્રેપ સામે આવી છે. સબ રજિસ્ટ્રારની ઓફિસમાં આઉટસોર્સિંગનું કામ કરતો ચંદ્રેશ સોલંકી રૂપિયા 1 હજારની લાંચ લેતા ઝડપાયો છે. જાગૃત નાગરિકે ACBમાં ફરિયાદ કરી હતીય. ભરૂચ ACBએ લાંચિયા કર્મચારીની ધરપકડ કરી છે.

વલસાડમાં ACBના સંકજોમાં નાયબ કાર્યપાલક ઇજનેર
વલસાડમાં જિલ્લા પંચાયતના નાયબ કાર્યપાલક ઇજનેર આસિ, ઇજનેર ACBની ટ્રેપમાં આવ્યા છે. સાથે -સાથે એક વચોટિયાની પણ ધરપકડ કરવામાં આવી છે. ફરિયાદી પાસેથી 15 લાખની લાંચ માંગી હતી. કોન્ટ્રાક્ટર પાસેથી ફાઇનલ બીલ પાસ કરવા માટે લાંચ માંગી હતી. નાયબ કાર્યપાલ ઇજનેર નિલય નાયકની ધરપકડ કરવામાં આવી છે. વચોટિયો વિક્રમ પટેલની પણ  ધરપકડ કરાઇ છે. જ્યારે આસિ,ઇજનેર અનિરૂદ્વ ચૌધરીની પણ ધરપકડ કરી ફરિયાદ નોંધી આગળની કાર્યવાહી હાથ ધરી છે