દેશની સૌથી મોટી ખાનગી ક્ષેત્રની બેન્ક એચડીએફસીએ તેની કેટલીક ફિક્સ ડિપોઝિટના વ્યાજદરમાં ઘટાડો કર્યો છે. એચડીએફસી મુજબ, 1થી 2 વર્ષની અંદર મેચ્યોર થનારી એફડીના વ્યાજદર ઘટાડ્યા છે. આ ઉપરાંત તમામ અવધિની એફડીના વ્યાજદરમાં કોઈ ફેરફાર કરવામાં આવ્યો નથી. નવા વ્યાજદર 13 નવેમ્બરથી લાગૂ થઈ ગયાછે. તમને જણાવી દઇએ કે, એચડીએફસીએ ઓક્ટોબર 2020માં એફડીના વ્યાજદરમાં બદલાવ કર્યો હતો.
આ બેંકના ગ્રાહકોને મોટો ઝટકો
એફડીના વ્યાજદરમાં કરાયો ઘટાડો
આ બેંકોના એફડીના વ્યાજદરોમાં કરાયો ફેરફાર
એચડીએફસી બેંકની એફડી પર પર નવા વ્યાજદર એચડીએફસી બેંકના ગ્રાહકોને હવે એક વર્ષ કે બે વર્ષની એફડી પર 4.90 ટકા વ્યાજ મળશે. નવા વ્યાજદર મુજબ, 7થી 14 દિવસ અને 15થી 29 દિવસમાં મેચ્યોર થનારી એફડી પર હવે ગ્રાહકોને 2.5 ટકા વ્યાજ મળશે. જ્યારે 30થી 45 દિવસ, 46થી 60 દિવસ અને 61થી 90 દિવસની એફડી પર 3 ટકા વ્યાજદર મળશે. આ ઉપરાંત 91થી 6 મહિનાની મેચ્યોરિટીવાળી એફડી પર 3.5 ટકા વ્યાજ મળશે. તો 6થી 9 અને 9થી 1 વર્ષમાં મેચ્યોર થનારી એફડી પર 4.4 ટકા વ્યાજદર મળશે. એકથી 2 વર્ષની એફડી પર 4.9 ટકા વ્યાજ મળશે. બેથી 3 વર્ષની એફડી પર 5.15 ટકા અને 3થી 5 વર્ષની FD પર 5.30 ટકા, 5થી 10 વર્ષની મેચ્યોરિટી પર 5.50 ટકા વ્યાજ મળશે.
એક્સિસ બેંકે પણ વ્યાજદરમાં કર્યો ફેરફાર
ખાનગી ક્ષેત્રની એક્સિસ બેંકે પણ તેની એફડી પર વ્યાજદરમાં ફેરફાર કર્યાં છે. નવા વ્યાજદર 13 નવેમ્બરથી લાગૂ થશે. એક્સિસ બેંક 7થઈ 29 દિવસ વાળી એફડી પર 2.50 ટકા, 30 દિવસથી 3 મહિનાથી ઓછી અવધિની એફડી પર 3 ટકા અને 3 મહિનાથી 6 મહિનાથી ઓછી અવધિવાળી એફડી પર 3.5 ટકા વ્યાજ આપી રહી છે. આ સિવાય ગ્રાહકોને 6 મહિનાથી 11 મહિના 25 દિવસની એફડી પર 4.40 ટકા વ્યાજદર આપી રહી છે. 11 મહિના 25 દિવસથી લઈને 1 વર્ષ પાંચ દિવસની એફડી પર 5.15 ટકા વ્યાજદર છે અને 18 મહિનાથી લઇ 2 વર્ષની એફડી પર 5.25 ટકા વ્યાજદર છે. લાંબી અવધિમાં 2થી 5 વર્ષની એફડી પર 5.40 ટકા અને 5થી 10 વર્ષની એફડી પર 5.50 ટકા વ્યાજદર આપવામાં આવી રહ્યું છે.
સ્ટેટ બેંક ઓફ ઈન્ડિયા આપી રહી છે આટલું વ્યાજ
દેશની સૌથી મોટી સરકારી બેંક સ્ટેટ બેંક ઓફ ઈન્ડિયા 7થી 45 દિવસની મેચ્યોર થનારી એફડી પર 2.9 ટકા વ્યાજદર આપે છે. તો 46થી 179 દિવસમાં મેચ્યોર થનારી એફડી પર 3.9 ટકા, 180થી 210 દિવસ પર 4.4 ટકા અને 211 દિવસથી એક વર્ષમાં મેચ્યોર થનારી એફડી પર 4.4 ટકા વ્યાજ આપે છે. એકથી 2 વર્ષમાં મેચ્યોર થનારી એફડી પર ગ્રાહકોને 4.9 ટકા 2થી 3 વર્ષની વચ્ચે મેચ્યોર થનારી FD પર 5.1 ટકા અને 3થી 5 વર્ષની મિડ ટર્મ એફડી પર 5.30 ટકા વ્યાજ આપી રહી છે. 5થી 10 વર્ષની લાંબી અવધિ પર 5.40 ટકા વ્યાજદર મળે છે.
ICICI બેંકના વ્યાજદર આ પ્રમાણે છે
ખાનગી ક્ષેત્રની ICICI બેંક 7 થી 29 દિવસમાં મેચ્યોર થનારી ટર્મ ડિપોઝિટ પર ગ્રાહકોને 2.5 ટકા વ્યાજ આપે છે. જ્યારે 30થી 90 દિવસમાં મેચ્યોર થનારી એફડી પર 3 ટકા, 91 થી 184 દિવસ પર 3.5 ટકા અને 185 દિવસથી એક વર્ષમાં મેચ્યોર થનારી એફડી પર 4.4 ટકા વ્યાજ આપી રહી છે. આ સાથે જ 1થી દોઢ વર્ષમાં મેચ્યોર થનારી એફડી પર 4.9 ટકા વ્યાજ મળે છે. આ ઉપરાંત 18 મહિનાથી 2 વર્ષની વચ્ચે મેચ્યોર થનારી એફડી પર 5 ટકા વ્યાજ મળશે. બેંક હવે 2થી 3 વર્ષના મિડ ટર્મ ફિક્સ્ડ ડિપોઝિટ પર 5.15 ટકા વ્યાજ આપે છે. જ્યારે 3થી 5 વર્ષની એફડી પર ગ્રાહકોને 5.35 ટકા અને 3થી 10 વર્ષની અવધી પર 5.50 ટકા વ્યાજ મળી રહ્યું છે.