ચોમાસું / માતાના મઢમાં અડધી કલાકમાં ખાબકેલા વરસાદે સર્જી પૂરની સ્થિતિ

ઉલ્લેખનીય છે કે, ભારે વરસાદને પગલે ગામના ચારેય તળાવો છલકાઇ જતા ગામમાં અને બજારમાં પાણી ઘૂસી ગયા હતા. પાણીનો વહેણ એટલો બધો હતો કે તેમાં પાંચ ગાડીઓ ફસાઇ ગઇ હતી, જેના સ્થાનિક લોકોની મદદથી બહાર કાઢવામાં આવી હતી. 

નોંધનીય છે કે, રાજ્યભરમાં ફરી એકવાર વરસાદનો રાઉન્ડ શરૂ થયો છે. ત્યારે શનિવારે સવારથી અરવલ્લીનાં મોડાસાનાં ગ્રામ્યપંથકમાં સતત 3 કલાકમાં 5 ઇંચ વરસાદ ખાબક્યો હતો. જ્યારે આજે પણ રાજ્યના મોટાભાગના વિસ્તારોમાં વરસાદી માહોલ યથાવત છે. 

સૌરાષ્ટ્ર અને ઉત્તર-દક્ષિણ ગુજરાતમાં મેઘરાજાની આજે પણ મહેર યથાવત જોવા મળી રહી છે. ક્યાંક ધોધમાર તો ક્યાંક ઝરમર ઝરમર વરસાદ વરસી રહ્યો છે. તો હવામાન વિભાગ દ્વારા આગાહી કરવામાં આવી છે.

હવામાન વિભાગ

ભાદરવા મહિનાની શરૂઆતના દિવસોમાં મેઘમહેર થઇ શકે છે. હવામાન વિભાગે અમદાવાદમાં આગામી 3 દિવસ ભારે વરસાદની આગાહી કરી છે. રાજસ્થાનમાં સક્રિય વરસાદી સિસ્ટમ આવી છે જેના કારણે વરસાદ વરસી શકે છે. રાજ્યના વિવિધ વિસ્તારમાં હળવા વરસાદની આગાહી કરવામાં આવી છે. રાજસ્થાન નજીકના વિસ્તાર અને સૌરાષ્ટ્ર-કચ્છમાં વધુ વરસાદની શક્યતા છે.