નિવેદન / ઇરાન-US તણાવ : રાષ્ટ્રપ્રમુખ રુહાનીએ કહ્યું-જો પ્રતિબંધ હટે તો અમે વાતચીત માટે તૈયાર

આ દરમિયાન જર્મની, ફ્રાન્સ અને બ્રિટેને ઇરાનના યૂરેનિયમ સંવર્ધન શરૂ કરવા પર આતંરરાષ્ટ્રીય પરમાણુ સમજુતી હેઠળ સંયુક્ત કાર્યવાહી યોજનાની બેઠક બોલાવવા આહ્વાન કર્યું છે. યૂરોપીયન દેશોને ડર છે કે એમેરિકાના દબાણમાં આવી ઇરાન પરમાણુ સમજુતી બાકી જોગવાઇ પણ તોડી નાંખશે. 

હાલમાં જ ઓમાનની ખાડીમાં બે તેલ ટેન્કરોમાં વિસ્ફોટમાં અમેરિકાએ ઇરાની સેનાનો હાથ બતાવ્યો હતો. યુએસ દ્વારા ઇરાનના સર્વોચ્ચ નેતા અયાતુલ્લા અલી ખોમેની અને ઇરાનના આઠ શીર્ષ સેન્ચ કમાન્ડરો પર આર્થિક પ્રતિબંધ લગાવ્યા છે. ઉપરાંત ઇરાની સેનાએ એમેરિકાના એક ડ્રોનને તોડી પાડ્યું હતું જેને લઇને પણ બંને દેશો વચ્ચે તણાવ વધ્યો છે. 

પરમાણુ સમજુતીથી હટ્યું ઇરાન

ઇરાને સંવર્ધિત યૂરેનિયમના ઉત્પાદનને લઇને નક્કી કરવામાં આવેલ સીમાનું સોમવારે ઉલ્લંઘન કર્યું અને યૂરોપને જવાબી કાર્યવાહી વિરુદ્ધ ચેતવ્યા હતા. ઇરાને યૂરોપીય દેશોને પ્રતિબંધોમાં રાહત અને કરાર આગળ વધારવા માટે 60 દિવસનો સમય આપ્યો હતો. જે 7 જુલાઇએ પૂર્ણ થઇ ચૂક્યો છે. ઇરાને કહ્યું, હવે અમે નક્કી સીમાથી 3.7 ટકા વધારે યૂરેનિયમનું સંવર્ધન કરીશું. 

ચીન-રશિયાએ અમેરિકાને બતાવ્યું જવાબદાર

ચીન-રશિયાએ સમજુતીમાં સામેલ અન્ય દેશોને ઇરાનના આ પગલા માટે અમેરિકા દોષી હોવા જણાવ્યું છે. ચીને અમેરિકા પર એક તરફી કાર્યવાહી કરવાનો આરોપ લગાવ્યો છે. ઇરાનનું કહેવું છે કે સમજુતીની બાકી યૂરોપીય ભાગીદારીની નિષ્ક્રિયતાના કારણે હવે તે વધારે રાહ જોઇ નહીં શકે.