વિરોધ / હરિયાણામાં CMનો વિરોધ કરી રહેલા ખેડૂતો પર લાઠીચાર્જ, રાહુલ ગાંધીએ સરકાર પર કર્યા પ્રહાર

• હરિયાણામાં ફરીથી ખેડૂત આંદોલને વેગ પકડ્યો
• મુખ્યમંત્રી ખટ્ટરના કાર્યક્રમમાં ધરતીપુત્રોનું પ્રદર્શન
• પોલીસે પ્રદર્શનકારીઓ પર કર્યો લાઠીચાર્જ

સરકારે ફરીથી ખેડૂતોનું લોહી વહાવ્યું: રાહુલ ગાંધી

ખરેખર, કરનાલમાં મુખ્યમંત્રી મનોહરલાલ ખટ્ટરે એક કાર્યક્રમમાં  સામેલ થવાનું હતુ. આ કાર્યક્રમના વિરોધમાં ખેડૂત કરનાલના ઘરોંડામાં એક ટોલ પર એકત્રિત થયા હતા. ખેડૂતો કૃષિ કાયદાનો વિરોધ કરી રહ્યાં હતા. સુચના મળતા પોલીસ ઘટનાસ્થળે પહોંચી હતી. પોલીસે ખેડૂતોને હાઈવે ખાલી કરવાનું કહ્યું. આ ઘટના પર રાહુલ ગાંધીએ કહ્યું, સરકારે ફરીથી ખેડૂતોનું લોહી વહાવ્યું છે.

ખેડૂત આંદોલન પકડશે ગતિ?

આરોપ છે કે પોલીસે ખેડૂતોને હાઈવે પરથી હટાવવા માટે લાઠીચાર્જ કર્યો. આ દરમ્યાન ઘણાં ખેડૂત પ્રદર્શનકારીઓ ઘાયલ પણ થયા હતા. તો સંયુક્ત કિસાન મોરચાના ડોકટર દર્શન પાલે કહ્યું, જે ખેડૂતો ઘાયલ થયા છે,  જો તેઓ વધારે ઘાયલ થયા તો આંદોલન હજી વેગ પકડશે.

શાંતિપૂર્ણ આંદોલનમાં પોલીસે પાડ્યો ભંગ

દર્શન પાલે લાઠીચાર્જનો વિરોધ દર્શાવવા માટે ખેડૂતોને રાજ્યના દરેક હાઈવે અને ટોલ ચક્કાજામ કરાવવાની માંગ કરી છે. તેમણે કહ્યું, પોલીસે સેંકડો ખેડૂતોની ધરપકડ કરી છે. તેમણે દાવો કર્યો છે કે ખેડૂત શાંતિપૂર્ણ  પદ્ધતિથી પ્રદર્શન કરી રહ્યાં હતા ત્યારે તેમની પર લાઠીચાર્જ કરવામાં આવ્યો.