એલર્ટ / શાળા, કોલેજ, થિયેટર પર તાળાં, બજારો 5 વાગે જ બંધ: આ રાજ્યમાં લૉકડાઉન જેવા પ્રતિબંધ લાગ્યા

• હરિયાણાના 5 જિલ્લામાં પ્રતિબંધ
• સ્કુલ, કોલેજ, થિયેટરો બંધ
• લગ્નમાં માત્ર 100 લોકોને મંજૂરી

દેશમાં કોરોનાનો કહેર સતત વધી રહ્યો છે. કેન્દ્ર સરકાર પણ વધતા કેસને પગલે ચિંતિત થઇ છે.  કોરોનાના કેસ કાબૂમાં લેવા રાજ્યોને એડવાઇઝરી જાહેર કરી છે. તો આ તરફ હરિયાણા સરકારે કોરોનાને નાથવા સખત વલણ અપનાવ્યુ છે. હરિયાણા સરકાર દ્વારા 5 જિલ્લાઓમાં પ્રતિબંધ મુકવામાં આવ્યા છે. ગુરૂગ્રામ, સોનીપત, ફરિદાબાદ, અંબાલા, પંચકુલામાં હરિયાણા સરકારે પ્રતિબંધ જાહેર કર્યા છે. હરિયાણાના આ 5 જિલ્લાઓમાં શાળા, કોલેજ અને થિયેટરો બંધ કરવામાં આવ્યા છે. 

વેક્સિનના 2 ડોઝ લીધા હશે તો જ મુસાફરી

કોરોનાનો કહેર વધતા હરિયાણા સરકારે ઑફિસોમાં 50 ટકા સાથે કામ કરવાની મંજૂરી આપી છે. તો લગ્ન પ્રસંગોમાં માત્ર 100 લોકોને મંજૂરી આપવામાં આવી છે..જ્યારે અંતિમક્રિયામાં 50 લોકોને મંજૂરી આપવામાં આવી છે. જ્યારે 5 જિલ્લામાં બજારો સાંજે 5 વાગ્યા સુધી ખુલ્લા રહેશે. બાર રેસ્ટોરન્ટ 50 ટકા સિટીંગ કેપેસિટી સાથે ચાલુ રાખી શકાશે. બસ અને રેલવે સ્ટેશને વેક્સિનના બંને ડોઝ લેનારાને પ્રવેશ મળશે. જ્યારે ઓટો રિક્ષામાં પણ વેક્સિનના બંને ડોઝ લેનારા જ યાત્રા કરી શકશે.

માસ્ક ન પહેર્યુ તો રૂ.500 દંડ

હરિયાણાના આ પાંચેય જિલ્લાઓમાં એન્ટરટેઇનમેન્ટ પાર્ક લોકો માટે સદ્તંર બંધ કરવામાં આવ્યા છે. જ્યારે સ્વિમિંગપુલ માત્ર ટ્રેનિંગ લેનારા માટે જ ખુલ્લા રહેશે. આ ઉપરાંત કોરોનાની ગાઇડલાઇનનું પાલન કરવુ આવશ્યક રહેશે. સામાજિક અંતર જાળવવુ તથા માસ્ક પહેરવુ. જો નિયમોનું ઉલ્લંઘન કરવામાં આવશે તો રૂ.500નો દંડ કરવામાં આવશે. તેમજ સંસ્થાઓ પણ જો નિયમોનું પાલન નહી કરે તો હરિયાણા સરકાર દ્વારા રૂ.5 હજારનો દંડ ફટકારવામાં આવશે.