હિસાર / પાકિસ્તાનને ગુપ્ત જાણકારી આપનાર ત્રણ જાસૂસની ધરપકડ

સૂત્રોને મળતી જાણકારી મુજબ ધરપકડ કરાયેલાં જાસૂસોએ કેટલીક ગુપ્ત જાણકારી પાકિસ્તાનને આપી છે. સેનાના ઇન્ટેલિજન્સ વિભાગ અને સૈન્ય પોલીસે મળીને હરિયાણાના હિસારના કેટ વિસ્તારમાંથી 3 જાસૂસની ધરપકડ કરી છે.

• જાસૂસના આરોપમાં ત્રણની ધરપકડ
• હિસાર કેન્ટ વિસ્તારમાંથી કરાઇ ધરપકડ
• સેનાના ગુપ્ત ઇનપૂટના આધારે કરાઇ ધરપકડ
• સેનાની કાર્યવાહીનું કરતા હતા વીડિયો રેકોર્ડિંગ

ધરપકડ કરાયેલા ત્રણેય આરોપીની ઓળખ રાગીબ, મેહતાબ અને ખાલિદ તરીકે કરવામાં આવી છે. મેહતાબ મુઝફફરપુરનો રહેવાસી છે જ્યારે ખાલિદ શામલીનો રહેવાસી છે. ધરપકડ કરાયેલાં ત્રણેય આરોપીઓ એક અઠવાડિયા પહેલા કેન્ટ વિસ્તારમાં આવ્યાં હતા.

કેન્ટ વિસ્તારમાં મેસ બિલ્ડિંગમાં નિર્માણ કાર્ય ચાલી રહ્યું છે, જેમાં તેઓ મજૂર તરીકે કામ કરી રહ્યાં હતા. આરોપીઓ પાસેથી મોબાઇલ ફોન તેમજ કેટલાંક ફોટોગ્રાફ્સ જપ્ત કરવામાં આવ્યાં છે. ત્રણેય આરોપીઓ વ્હોટસએપ દ્વારા કોલ તેમજ વીડિયો કોલ કરી પાકિસ્તાની જાસૂસો સાથે વાતચીત કરતાં હતા.