IPLIN
 
  • Home
  • Sports
  • Cricket
  • Hardik Pandya Post Video On Twitter About His Post Surgery Treatment Goes Viral

VIRAL / VIDEO: બેબી સ્ટેપ, વ્હીલ ચેર... અને સર્જરી પછી ઉઠ્યો હાર્દિક પંડ્યા

Team VTV 11:02 AM, 09 Oct 19
Follow us
Hardik Pandya Post Video On Twitter About His Post Surgery Treatment Goes Viral

ટીમ ઇન્ડિયાના ઑલરાઉન્ડર હાર્દિક પંડ્યાએ હાલમાં પોતાની પીઠની સારવાર માટે ઇંગ્લેન્ડમાં છે. અહીંયા હાર્દિક પંડ્યાએ પોતાની લૉઅર બેકની ઇન્જરીની સર્જરી કરાવી. સર્જરીના લગભગ 4-5 દિવસ પછી હાર્દિકે હવે ચાલવાનું શરૂ કર્યુ છે. મંગળવારે મોડી રાત્રે હાર્દિકે પોતાના ઑફિશ્યલ સોશ્યલ મીડિયા પર એક વીડિયો શૅર કર્યો છે જેમાં હાર્દિક ધીમે ધીમે ચાલી રહ્યો છે. હાર્દિકનો આ વીડિયો જોઇને ફેન્સ તે જલ્દીથી ઠીક થઇ જાય તે માટે પ્રાર્થના કરી રહ્યા છે.

  • લંડનની હોસ્પિટલમાં પોતાની લૉઅર બેકના દુખાવાની સારવાર કરાવી રહ્યો છે હાર્દિક પંડ્યા
  • લોઅર બેકની કરવામાં આવી છે સર્જરી, એશિયા કપ 2018માં થયેલો ઇજાગ્રસ્ત
  • વીડિયો શૅર કરીને ફેન્સે કહ્યુ, ''તમારી પ્રાર્થના અને સપોર્ટ માટે આભાર.''
  • આ ઇજામાંથી ઠીક થવા માટે લગભગ 4-5 મહિના ક્રિકેટથી બ્રેક લેશે હાર્દિક 

આ વીડિયોમાં જોઇ શકાય છે કે, હાર્દિક હોસ્પિટલના બેડની મદદથી ઉઠીને ધીમે-ધીમે ચાલતો જોવા મળી રહ્યો છે. આ પછી એક વ્હીલ ચેર પર બેસી જાય છે, તે કૉરિડરમાં પોતે વ્હીલ ચેર ચલાવતો જોવા મળી રહ્યો છે. ફિઝિયોથેરેપિસ્ટ યોગેશ પરમાર પણ તેની સાથે લંડન ગયા છે. 

આ વીડિયો શૅર કરતા હાર્દિકે કેપ્શન આપ્યુ કે, ''નાના પગલા.. પરંતુ મારી ફિટનેસની શરૂઆત અહીંયાથી થાય છે અને તમામ લોકોનો આભાર જેમણે મારા માટે પ્રાર્થના કરી અને મને સપોર્ટ કર્યો.''

 

નોંધનીય છે કે, પીઠાના નીચેના ભાગમાં ઇજા પહોંચતા હાર્દિકે સર્જરી કરાવી હતી જેણો એક ફોટો તેણે સોશ્યલ મીડિયા પર શૅર કર્યો હતો. આ ફોટો શૅર કરતા લખ્યુ કે, ''સર્જરી સફળ રહી. તમારી પ્રાર્થના માટે આભાર, જલ્દીથી પરત ફરીશ, ત્યાં સુધી મને યાદ કરતા રહેજો.'' આ સાથે જ તેણે હોસ્પિટલ બેડ પર સૂતા એક ફોટો શૅર કરી છે.

ઉલ્લેખનીય છે કે, હાર્દિકને વર્ષ 2018ના એશિયા કપના દરમિયાન લોઅર બેકમાં ઇજા પહોંચી હતી, જ્યાં તે બૉલિંગ કરતા ગ્રાઉન્ડ પર સૂઇ ગયો હતો. જે પછી તેણે સ્ટ્રેચરની મદદથી ગ્રાઉન્ડની બહાર લઇ જવામાં આવ્યો હતો. જોકે તેણે જલ્દી રિકવર કર્યુ અને તેણે IPL પછી વર્લ્ડ કપ 2019માં પણ ભાગ લીધો હતો. 

હાર્દિકે સાઉથ આફ્રિકા વિરુદ્ઘ T-20 સીરિઝ રમી હતી, જ્યારે બાંગ્લાદેશ વિરુદ્ઘની આગામી T-20 સીરિઝમાં તે ભાગ નહી હોય.
 
25 વર્ષીય ઑલરાઉન્ડર પંડ્યાએ 11 ટેસ્ટમાં 17 વિકેટ લેવાની સાથે 532 રન બનાવ્યા છે. તેણે 54 વનડેમાં 937 રન બનાવ્યા છે. આ ઉપરાંત તેણે 40 T-20 માં 310 રન બનાવવાની સાથે 38 વિકેટો પણ લીધી છે.

sports Cricket Team India Hardik pandya Video viral
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ