અભિયાન / આઝાદી કા અમૃત મહોત્સવ અંતર્ગત 'હર ઘર તિરંગા' ફરકાવવા માટે PM મોદીનું આહ્વાન, જાણો શું કરી અપીલ

• 'હર ઘર તિરંગા અભિયાન'ને મજબૂત કરવાનો PM મોદીનો આગ્રહ
• 22 જુલાઇ, 1947ના રોજ તિરંગાને રાષ્ટ્રધ્વજના રૂપમાં સ્વીકાર કરાયો
• આપણે તેઓના સપનાને પૂર્ણ કરવાનું છે : PM મોદી

PM મોદીએ 'હર ઘર તિરંગા અભિયાન'ને અનુલક્ષીને કહ્યું, 'આ મુહિમ તિરંગા સાથેના આપણા જોડાણને વધારે મજબૂત કરશે.' તેઓએ કહ્યું કે, '22 જુલાઇ, 1947ના રોજ તિરંગાને રાષ્ટ્રધ્વજના રૂપમાં સ્વીકાર કરવામાં આવ્યો હતો.'

PM મોદીએ ટ્વિટ કરીને જણાવ્યું કે, 'આપણે આજે એ તમામ લોકોના સાહસ અને પ્રયાસોને યાદ કરીએ છીએ કે જેઓએ એ સમયે સ્વતંત્ર ભારત માટે એક ધ્વજનું સ્વપ્ન જોયું હતું કે જ્યારે આપણે વસાહતી શાસન વિરૂદ્ધ લડી રહ્યાં હતા. આપણે તેઓના સપનાને પૂર્ણ કરવાનું અને તેમના સપનાને ભારતનું નિર્માણ કરવાની પોતાની પ્રતિબદ્ધતાને ઉજાગર કરે છે.'

Today, we recall the monumental courage and efforts of all those who dreamt of a flag for free India when we were fighting colonial rule. We reiterate our commitment to fulfil their vision and build the India of their dreams. pic.twitter.com/fRcAMVHV9F

— Narendra Modi (@narendramodi) July 22, 2022

22 જુલાઇના દિવસનું આપણા ઇતિહાસમાં વિશેષ મહત્વ : PM

તેઓએ વધુમાં જણાવ્યું કે, 'આજે 22 જુલાઇના દિવસનું આપણા ઇતિહાસમાં વિશેષ મહત્વ છે. કારણ કે આજના દિવસે 1947માં આપણા તિરંગાને રાષ્ટ્રીય ધ્વજ તરીકે અપનાવવામાં આવ્યો હતો. આપણા તિરંગા સાથે જોડાયેલ સમિતિ અને પંડિત જવાહરલાલ નહેરૂ દ્વારા લહેરાવાયેલ પ્રથમ ત્રિરંગા સહિત ઈતિહાસની કેટલીક રસપ્રદ બાબતો શેર કરી રહ્યો છું.'

તેઓએ લખ્યું કે, 'આ વર્ષે, જ્યારે આપણે 'આઝાદીનો અમૃત મહોત્સવ' ઉજવી રહ્યાં છીએ ત્યારે આવો આપણે સૌ 'હર ઘર તિરંગા' આંદોલનને મજબૂત કરીએ. 13 ઓગસ્ટથી 15 ઓગસ્ટ વચ્ચે સૌ કોઇ પોતાના ઘર પર તિરંગો લહેરાવે. આ મુહિમ રાષ્ટ્રધ્વજની સાથે સાથે તમારા જોડાણને વધુ ગાઢ બનાવશે.'

This year, when we are marking Azadi Ka Amrit Mahotsav, let us strengthen the Har Ghar Tiranga Movement. Hoist the Tricolour or display it in your homes between 13th and 15th August. This movement will deepen our connect with the national flag. https://t.co/w36PqW4YV3

— Narendra Modi (@narendramodi) July 22, 2022

નહેરૂએ લહેરાવેલા પ્રથમ તિરંગાની તસવીર પણ PM મોદીએ શેર કરી

તમને જણાવી દઇએ કે, PM મોદીએ તિરંગાને રાષ્ટ્રધ્વજ તરીકે અપનાવવા અંગેની જાણકારી પોતાના ટ્વિટર એકાઉન્ટ પર શેર કરી છે. તેઓએ ભારતના પ્રથમ વડાપ્રધાન પંડિત જવાહરલાલ નહેરૂ દ્વારા લહેરાવવામાં આવેલા પ્રથમ તિરંગાની તસવીર પણ ટ્વિટ કરી છે. મોદી સરકારે ભારતની આઝાદીની 75મી વર્ષગાંઠ પર 'હર ઘર તિરંગા' મુહિમ શરૂ કરવાની યોજના બનાવી છે. આ અભિયાન ભારતની આઝાદીની 75મી વર્ષગાંઠને ચિન્હિત કરવા માટે સરકાર દ્વારા આયોજિત કરવામાં આવેલા અનેક કાર્યક્રમોમાંનું એક છે.