Happy Birthday / શું તમે જાણો છો આ ખાસ બાબતોમાં PM ક્યારેય નથી કરતાં જરા પણ કોમ્પ્રોમાઈઝ

• PM મોદીનો જન્મદિવસ
• આા સ્ટાઈલને ફોલો કરે છે પીએમ મોદી
• નથી કરતાં જરા પણ કોમ્પ્રોમાઈઝ

તમને જણાવી દઈએ કે વડાપ્રધાન મોદી બ્રાન્ડ્સને લઈને ખૂબ જ ચૂઝી છે અને તે અમુક જ બ્રાન્ડની વસ્તુઓ વાપરવાનું પસંદ કરે છે. તેમાં તે ક્યારેય 19-20 ચલાવી નથી લેતા. જાણી લો, વડાપ્રધાન મોદી કઈ ચીજ કઈ બ્રાન્ડની વાપરે છે.

ચશ્મા

પીએમ જે ચશ્મા પહેરે છે તે Bvlgari બ્રાન્ડના હોય છે. આ ઈટલીની બ્રાન્ડ છે. પીએમના ચશ્માની કિંમત 30,000 રૂપિયાથી 40,000 રૂપિયા સુધીની હોય છે. જે મુખ્યત્વે જ્વેલરી બનાવે છે. હાલમાં કંપની પરફ્યુમ, ઘડિયાળ અને હોટલ બિઝનેસમાં જોડાઈ છે. 

ઘડિયાળ

વડાપ્રધાન મોદી મોવાડો બ્રાન્ડની ઘડિયાળ પહેરે છે જે સ્વિઝરલેન્ડની ફેમસ બ્રાન્ડ છે. આ ઘડિયાળની રેન્જ 39 હજાર રૂપિયાથી શરૂ થઈ 1 લાખ 90 હજાર રૂપિયા સુધી પહોંચે છે. એક ખાસ વાત એ પણ છે કે વડાપ્રધાન મોદી ઘડિયાળ ઊંધી પહેરે છે અને તે ઊંધી ઘડિયાળને લકી માને છે.

પેન

મોદી પેન મોં બ્લાંની જ યુઝ કરે છે. આ જર્મનીની વર્લ્ડ ફેમસ બ્રાન્ડ છે. મોં બ્લાં યુરોપના સૌથી ઊંચા શિખરનું નામ છે. અમિતાભ બચ્ચન, બરાક ઓબામા, દલાઈ લામા, વોરેન બફેથી માંડીને અનેક પાવરફુલ લોકો આ પેનનો ઉપયોગ કરે છે. વડાપ્રધાન જે પેન યુઝ કરે છે તેની કિંમત 1 લાખ 30 હજાર રૂપિયા છે.

કપડા

તેમના ડિઝાઈનર કપડાની તો વાત જ શું કરવી? તેમના કપડા અમદાવાદના જેડ બ્લુના બિપિન અને જીતેન્દ્ર ચૌહાણ તૈયાર કરે છે. દોઢસો કરોડની આ કંપની એમ જ નથી ઊભી થઈ. એક સમયે બિપિન ચૌહાણ કપડાની દુકાનની બહાર શર્ટમાં બટન ટાંકતા હતા. તે 1989થી સતત વડાપ્રધાન મોદીના કપડા સીવતા આવ્યા છે. મોદી પોતે જ પોતાના સૂટનું ફેબ્રિક, કલર અને ડિઝાઈન સિલેક્ટ કરે છે. બિપિન ચૌહાણે મોદીનું એક ટોપ સિક્રેટ શેર કરતા જણાવ્યું હતું કે મોદી ત્રણ વાત સાથે બિલકુલ કોમ્પ્રોમાઈઝ નથી કરી શકતાઃ આંખ, અવાજ અને કપડા. આંખો માટે મોંઘા ચશ્મા પહેરે છે, કપડા મોટી કંપની પાસેથી તૈયાર કરાવડાવે છે અને અવાજનું ધ્યાન રાખવા ક્યારેય ઠંડુ પાણી નથી પીતા.