મહેન્દ્ર સિંહ ધોની 7 જુલાઇએ 38 વર્ષનો થઇ ગયો છે. એના ફેન્સ એને બર્થ ડે વિશ કરી રહ્યા છે. સોશિયલ મીડિયા પર શુભેચ્છાઓ મળી રહી છે. આ વર્ષે ધોનીની બર્થડે એવા સમયે છે જ્યારે ક્રિકેટ વર્લ્ડકપ ચાલી રહ્યો છે. 6 જુલાઇએ ભારતે શ્રીલંકા વિરુદ્ધ એકતરફી જીત પ્રાપ્ત કરી. ત્યારબાદ ધોનીની બર્થડે સેલિબ્રેશન શરૂ થઇ ગઇ.
ધોનીની પત્ની સાક્ષી, પુત્રી જીવા અને ટીમ ખેલાડીઓ હાર્દિક પંડ્યા, ઋષભ પંત અને અન્ય લોકો સાથે જોરદાર મસ્તી કરી. શાંત અને ગંભીર રહેનાર ધોનીના મસ્તી કરતાં ફોટો વાયરલ થયા છે.
ધોનીના બર્થડેના કેટલાક ફોટો સાક્ષીએ પોતાના ઇન્સ્ટાગ્રામ અકાઉન્ટ પર શેર કર્યા છે. એક ફોટમાં ધોનીના ચહેરા પર કેક લાગેલી છે. તો બીજી પોસ્ટમાં એ પુત્રી સાથે કેક કટ કરતો નજરે પડી રહ્યો છે.
ધોનીનો જન્મ દિવસ, 7 જુલાઇ 1981માં થયો. એના કરિયરની શરૂઆત 23 ડિસેમ્બર 2004 બાંગ્લાદેશ વિરુદ્ધ થઇ હતી. ધોનીએ ભારતને 2011ના વર્લ્ડકપ, 2007ની ટી 20 વર્લ્ડકપ અને ચેમ્પિયન ટ્રોફી જીતાડી. બીજા કોઇ કેપ્ટને દેશને 3 આઇસીસી ટૂર્નામેન્ટ જીતાડી નથી. રાંચીના આ છોકરાએ પોતાને દુનિયાને સર્વશ્રેષ્ઠ કેપ્ટન અને વિકેટકીપરના રૂપમાં સ્થાપિત કર્યો.
ધોનીની બર્થ ડે થી એક દિવસ પહેલા આઇસીસીએ ધોની પર એખ ફીચર વીડિયો જારી કર્યો. ધોનીને એવો ખેલાડી કહ્યો, જેની મહાનતા માટે કોઇને શંકા નથી. આ વીડિયો આવ્યા બાદ વર્લ્ડકપ બાદ ધોની રિટાયર થાય એવો અંદાજ લગાવવામાં આવી રહ્યો છે.