આરોપ / ભાવનગર: ગારીયાધાર ગુરુકુળના સ્વામીએ બાળક પાસે કરી વિકૃત માંગણી, પરિવારે વિરોધ કર્યો તો ધોકા કાઢ્યા

• સ્વામિનારાયણ ગારિયાધારનું ગુરૂકુળ આવ્યું વિવાદમાં
• સ્વામીએ કરી સૃષ્ટિ વિરૂદ્ધના કૃત્યુની માંગ

ભાવનગરમાં સ્વામિનારાયણ ગુરૂકુળ વિવાદમાં આવ્યું છે. ગારીયાધારનું સ્વામિનારાયણ ગુરૂકુળ સ્વામી સામે સૃષ્ટિ વિરૂદ્ધના કૃત્યની ફરિયાદ દાખલ થઇ.સ્નાનઘાટમાં ન્હાવા માટે છોકરાઓ પાસે સૃષ્ટિ વિરૂદ્ધના કૃત્યની માંગ કરી હતી.તરુણે ઘરે પિતાને વાત કરતા હકીકત સામે આવી હતી.તરૂણના પિતા સ્વામીને સમજાવવા જતા સ્વામીએ પિતાને માર માર્યો હતો.ગારીયાધાર પોલીસ મથકમાં કોઠારી સ્વામી અને અન્ય એક અજાણ્યા સ્વામિ સામે પોલીસ  ફરિયાદ નોંધાઇ છે.

પરિવારના આરોપ મુજબ શું છે બનાવ?
પીડિત બાળકના પરિવારના આરોપ મુજબ સમગ્ર ઘટના જણાવતા કહે છે કે મારો મોટા ભાઈનો બાળક ન્હાવા ગયો હતો. સ્વિમિંગ પુલમાં ત્યારે તેની જોડે રૂપિયા ન હતા તેથી ત્યાં હાજર સ્વામીએ કહ્યું તું મને કૃત્ય કરવા દે. જેથી અન્ય છોકરાની સાથે તે રોડ પર આવી ગયો. અન્ય કોઈના ફોનમાંથી બાળકે તેના તેમાંથી તેના પપ્પા ફોન કરી તાત્કાલિક ગુરુકુળ આવી જાઓ. બાળકના પિતા અને તેના નાના ભાઈ ગુરુકુળ પહોંચ્યા હતા. જે બાદ બાળકને પુછપરછ કરતાં તે ન્હાવા ગયો હોવાની વાત મળી હતી.

સ્વામીએ રૂમમાં પૂરી ઢોર માર માર્યા
બાથરૂમમાં બાળક સંતાયો હતો. પિતા અને કાકાને જોઇ બાળકે સમગ્ર આપવીતી કહી હતી અને કૃત્યની કહ્યાની સમગ્ર વાત જાણ કરી હતી. જે બાદ સ્વામીની રજૂઆત કરવા બાળકના પિતા ગયા હતા જ્યાં તેમની સાથે ઝપાઝપી થઈ હતી. પછી નાના ભાઈને સમગ્ર હકીકતની જાણ કરી હતી. સ્વામીએ નાના ભાઈ અને મોટા ભાઈ બંનેને થોડા સમય પછી મળવા બોલાવ્યા હતા. પણ બંને ભાઈને પણ માર મારવામાં આવ્યો હતો.મારો ભાઈનો બાળક વીડિયો ઊતરતો હતો તેને પણ પાટુ મારી પાડી દીધો હતો. અને લાકડી અને પાઈપ વડે ઢોર માર માર્યો હતો. ફરિયાદીના દાવા મુજબ તેમની પાસે મારામારીની ઘટનાનો વીડિયો પણ છે. 

VTV ગુજરાતીના સળગતા સવાલ

• શું આવા સ્વામીને ભગવા પહેરવાનો અધિકાર છે?
• બાળકો પાસે અભદ્ર માગ કરનારને સંપ્રદાયે જાકારો ન આપવો જોઈએ?
• પોતાને સ્વામી કહેડાવનારા કેમ તેમની મર્યાદા ભૂલી જાય છે?
• કેટલાક લોકોના કારણે સંપ્રદાય આખો બદનામ થાય છે તેનું શું?
• કોઠારીએ સ્વામીને બાળકના પિતાને મારવાનો અધિકાર કોણે આપ્યો?

પીડિત પરિવારનો સમાજની કાર્યવાહીની માંગ
બીજી તરફ દલીત સમાજના પરિવાર સાથે આ બનાવ બનતા આગેવાનો પણ કડક કાર્યવાહીની માંગ કરી રહ્યા છે અને ચીમકી આપી રહ્યા છે કે જો જે તે જવાબદાર સાધુ જેને બાળક સાથે સુષ્ટિ વિરુદ્ધનું કૃત્ય કરવાનો પ્રયાસ કર્યો છે તે મામલા સમગ્ર તપાસ થાય અને ગુનો નોંધી તેમની સામે એક્શન લેવામાં આવે તેવી માંગ પણ કરી છે.