- ઘટનાની જાણ થતાં પોલીસ અને સેનાનો કાફલો શાળાએ પોંહોચ્યો
- નાઈજીરીયાના ઉત્તર-પશ્ચિમી રાજ્યોમાં અપહરણના કેસો વધ્યા
- ચાલુ વર્ષે 1 હજારથી વધુ બાળકોનું અપહરણ કરાયું
આતંકવાદીઓએ હથિયારોના જોરે વિદ્યાર્થીઓનું અપહરણ કર્યું
નાઈજીરીયામાં ફરી એકવાર બંદૂકધારી આતંકીઓનો આંતક સામે આવ્યો છે. બુધવારે નાજીરીયાના જામફરા રાજ્યમાં આવેલી એક શાળામાં આતંકવાદીઓએ હથિયારોના જોર પર 73 વિદ્યાર્થીઓનું અપહરણ કર્યું હતું. બાળકોને નિશાન બનાવીને અપહરણ કરવાનો આ તાજેતરનો કિસ્સો છે. નાઈજીરીયામાં હથિયારબંદ જૂથને ડાકુ તરીકે ઓળખવામાં આવે છે. જે ખંડણી માટે બાળકોનું અપહરણ કરે છે. મહત્વનું છે. નાઈજીરીયાના ઉત્તર-પશ્ચિમી રાજ્યોમાં અપહરણના કેસો વધ્યા છે. આ વર્ષે સુધીમાં એક હજારથી વધુ બાળકોનું અપહરણ થયું છે. જેમાંથી મોટા ભાગે બાળકોને મુક્ત કરી દેવામાં આવ્યાં છે.
ઘટનાની જાણ થતાં પોલીસ, સેના સહિતનો કાફલો શાળાએ પહોંચ્યો
નાઈજીરીયાના જામફરાના પોલીસ પ્રવક્તા મોમહમ્મદ શેહુએ જણાવ્યું હતું કે, બુધવારે જામફરા રાજ્યના મરાડુન વિસ્તારમાં કાયા સ્થિત એક માધ્યમિક શાળામાં મોટી સંખ્યામાં હથિયારધારી આતંકીઓએ શાળામાં ઘૂસણખોરીને 73 વિદ્યાર્થીઓનું અપહરણ કર્યું હતું. તેમણે વઘુમાં ઉમેર્યુ હતું કે, આ વાતની જાણ પોલીસને થતાં તુરંત જ પોલીસનો કાફલો બચાવ ટીમ સાથે બાળકોને છોડાવવા માટે ઘટના સ્થળે પોંહોચી જવા ગઈ હતી. આ અંગે રાજ્ય માહિતી કમિશનર ઇબ્રાહિમ દોસારાએ જણાવ્યું હતું કે જામફરા રાજ્યના સત્તાવાળાઓએ રાત્રિ દરમિયાન મુસાફરી પર પ્રતિબંધ મૂક્યો છે. તેમજ પ્રાથમિક અને માધ્યમિક શાળાઓ હંગામી ધોરણે બંધ કરવામાં આવી છે.
આતંકીઓની શિવિરો પર કાર્યવાહી છતાં હુમલા ચાલુ રાખે
દેશના ઉત્તર-પશ્ચિમ અને મધ્ય રાજ્યો વર્ષોથી વિચરતી પશુપાલકો અને સ્થાનિક ખેડૂતો વચ્ચે દુશ્મનાવટનો ભોગ બન્યા છે. આ દુશ્મનાવટ પાણી અને જમીન પરના સંઘર્ષને કારણે છે. પરંતુ મોટી ગુનાહિત ગેંગના ઉદય સાથે હિંસા ઝડપથી વધી છે. આ ટોળકીઓ પશુઓની ચોરી કરે છે, દરોડા પાડે છે અને ગામોને લૂંટી લે છે.આ સિવાય ખંડણી માટે બાળકોનું અપહરણ પણ કરવામાં આવે છે. રાષ્ટ્રપતિ મુહમ્મદુ બુહારી અસુરક્ષાને કારણે દબાણમાં છે. સેનાએ લશ્કરી દરોડા અને ડાકુઓના કેમ્પ પર હવાઈ હુમલા પણ શરૂ કર્યા છે. પરંતુ આ બધું હોવા છતાં, બંદૂકધારીઓ હુમલા અને અપહરણ કરવાનું ચાલુ રાખે છે.
જામફારામાં રાત્રી કર્ફ્યૂ અને શાળાઓ બંધ કરવાના આદેશ
જામફારા સહિત ચાર ઉત્તર-પશ્ચિમ રાજ્યોએ ડાકુઓની પ્રવૃત્તિઓને અંકુશમાં રાખવા માટે પ્રતિબંધો લાદવામાં આવ્યાં છે. તેમાં મોટરબાઈક ટ્રાફિકને મર્યાદિત કરવા, ઈંધણની ખરીદીને પ્રતિબંધિત કરવા અને પશુ બજારો સ્થગિત કરવાનો સમાવેશ થાય છે.અપહરણના હુમલા દરમિયાન હથિયારધારી ગેંગ મોટે ભાગે મોટરબાઈક પર આવે છે. તેઓ ઉત્તર -પશ્ચિમ નાઇજીરીયાના જંગલોમાં છુપાયેલા કેમ્પમાંથી કામ કરે છે. આ ગુનેગારો એક રાજ્યમાં દરોડા અને અપહરણ કરે છે અને પછી તેમના પીડિતો સાથે બીજા રાજ્યમાં પાછા ફરે છે. આ વર્ષે ડાકુઓએ આ વિસ્તારોમાં શાળાઓને નિશાન બનાવી છે.
