VIDEO / જોડે રહેજો રાજ...કેનેડામાં ગરબાની રમઝટ, ચાલુ વરસાદે મન મૂકીને ઝૂમ્યા ગુજરાતીઓ

• કેનેડાના ટોરોન્ટોમાં નવરાત્રીમાં ખેલૈયાઓ ગરબે ઘૂમ્યા
• ચાલુ વરસાદે ખેલૈયાઓ મન મુકીને ગરબે ઘૂમ્યા
• કેનેડાના ટોરેન્ટોમાં છેલ્લા 18 વર્ષથી થાય છે નવરાત્રી

નવરાત્રીનો તહેવાર ગુજરાતીઓ માટે ખૂબ જ મહત્વનો હોય છે, પછી ભલે તેઓ ગુજરાત બહાર વિદેશમાં જ કેમ ન રહેતા હોય, નવરાત્રી દરમિયાન ગુજરાતી ગમે ત્યાં ગરબા રમીને તહેવાર ઉજવે છે, આ તહેવારમાં માત્ર ભારતીયો જ નહીં પરંતુ વિદેશીઓ પણ હર્ષ ઉલ્લાસ સાથે ગરબે ઘુમતા હોય તેવા દ્રશ્યો હવે સામાન્ય થઈ રહ્યા છે.
 
 કોરોનાના બે વર્ષ દરમિયાન વિદેશમાં રહેતા ભારતીયો નવરાત્રીની ભવ્ય ઉજવણી કરી ન શક્યા હોવાથી આ વખતે અનેક દેશોમાં નવરાત્રીની ધુમ મચી છે. કેનેડાની વાત કરીએ તો કેનેડાના ટોરેન્ટોમાં છેલ્લા 18 વર્ષથી નવરાત્રીનું આયોજન કરવામાં આવે છે. ગુજરાતીઓ, અન્ય કોમ્યુનિટી તેમજ કેનેડા GTA (ટોરેન્ટો આસપાસ વિસ્તાર)ના લોકોના સાથ સહકારથી આ ગરબાનું આયોજન કરવામાં આવે છે. 

આ વખતે પણ કેનેડામાં ગુજરાતી ગરબાની ધૂમ જોવા મળી. કેનેડામાં વરસતા ગુજરાતીઓએ તેમના ઘરની બહાર માતાજીની સ્થાપના કરી અને પછી મન મૂકીને ગરબે ઝૂમ્યા, ગામની શેરીઓમાં ગવાતા દેશી ગરબા ટોરેન્ટોમાં પણ જોવા મળ્યા. આ દરમિયાન ખેલૈયાઓ ચાલુ વરસાદમાં મન મુકીને ગરબે ઘૂમ્યા હતા. મોટી સંખ્યામાં લોકોએ સ્વેટર અને જેકેટ પહેરીને ગરબા રમીને નવરાત્રીની મજા માણી.

જુઓ વીડિયો