વાયરલ / VIDEO : ડાયરાની રમઝટમાં BELLA CIAO ની મોજ, સોશ્યલ મીડિયા પર છવાયો છે આ વીડિયો

• ગુજરાતી બેલા ચાઉ સોશ્યલ મીડિયામાં છવાયું
• મની હાઇસ્ટનું ગીત બેલા ચાઉ ડાયરામાં ગવાયું
• સ્પેનીશ ગીત ગુજરાતીમાં ગવાયું

બેલા ચાઉ
સિરીઝમાં પ્રોફેસર તેની ટીમને ક્રાંતિ માટેનું એક ગીત શીખવાડે છે બેલા ચાઉ. આ ગીત સમગ્ર વિશ્વમાં એટલું લોકપ્રિય બન્યું કે દરેકના મોઢે સિરીઝ જોયા પછી આ જ ગીત હશે. મોબાઇલની રિંગટોન હોય કે ટીશર્ટની પ્રિન્ટ દરેક જગ્યાએ બેલા ચાઉ છવાઇ ગયું છે. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Álvaro Morte (@alvaromorte)

 

ગુજરાતી ડાયરામાં બેલા ચાઉ
સિઝન 5 આવવાની હતી તે પહેલા નેટફ્લિક્સ ઇન્ડિયાએ બેલા ચાઉના રાગમાં જ એક ગીત બનાવ્યું હતું પરંતુ હવે ગુજરાતી ડાયરામાં આ ગીત ગવાઇ રહ્યું છે. ગુજરાતી કલાકાર ડાયરામાં બેલા ચાઉ ગાઇ રહ્યો છે અને લોકો મન મૂકીને તેના પર ઝૂમી રહ્યાં છે. આ વીડિયો આગની જેમ ઇન્ટરનેટ પર છવાઇ ગયો છે. 

શું છે કહાણી
મની હાઇસ્ટમાં મેઇન કેરેક્ટર પ્રોફેસરનું છે જેને સ્પેનીશ એક્ટર અલ્વારો મોર્તેએ ભજવ્યું છે. અલ્વારોના મત પ્રમાણે આ ચોરી એક ક્રાંતિ છે. તેના પિતાનું બેન્ક લૂંટવાનું સપનું હતુ પરંતુ તે બેન્કની બહાર જ સિક્યોરીટીની ગનની ગોળીથી મૃત્યુ પામ્યા હતા. લગભગ અડધું જીવન આ ચોરીનું પ્લાનિંગ કર્યા બાદ 10 એવા લોકોને ભેગા કરે છે કે જે આ ચોરીને અંજામ આપી શકે. ચોરી પહેલા દરેકને ટ્રેનિંગ આપવામાં આવે છે અને પછી એક દિવસ આ ચોરીને અંજામ આપી જ દેવાય છે. 

છઠ્ઠી સિઝનની આતુરતાથી રાહ
અત્યાર સુધી દર્શકો પાંચમી સિઝનની રાહ જોઇ રહ્યાં હતા પરંતુ તેમાં 5 એપિસોડ આપીને દર્શકોની આતુરતા વધારી દીધી છે. એક એવા પોઇન્ટ પર આવીને કહાણી અટકી ગઇ છે કે ફેન્સ ડિસેમ્બરની રાહ જોઇ શકતાં નથી. પ્રોફેસર બાદ ટોક્યોનું પાત્ર સૌથી મજબૂત છે અને પાંચમી સિઝનમાં ટોક્યો પણ લડતા લડતા મોતને ભેટે છે. હવે આગળ શું થશે તે તો ડિસેમ્બરમાં જ ખબર પડશે પરંતુ બેલા ચાઉ અત્યારથી જ લોકોના મગજમાં ચડી ગયુ છે.

-કિંજરી બ્રહ્મભટ્ટ