ગર્વ છે / ટાઈકવાન્ડોની એશિયન ગેમ્સમાં ગુજરાત ઝળક્યું, સુરતના 2 ખેલાડીઓને મળ્યા બ્રોન્ઝ મેડલ

• ટાઈકવાન્ડોની એશિયન ગેમ્સમાં ગુજરાત ઝળક્યું
• ગુજરાતને મળ્યા બે બ્રોન્ઝ મેડલ
• સુરતની નિર્વિ હેક્કડ બની વિજેતા

એક તરફ દેશના ગૃહ મંત્રીએ આજે જ્યારે અમદાવાદ ખાતે નેશનલ ગેમ્સનું ઓપનિંગ કર્યું છે. ત્યારે ગુજરાતના અને સુરતના જ પાંચ જેટલા ખેલાડીઓ ટાઈકવાન્ડોની એશિયન ગેમ્સમાં ગુજરાત માટે મેડલ જીતીને લાવ્યા છે. ટાઈવાન ખાતે રમાયેલી 11th એશિયન જુનિયર ટાઇકવાંડો ચેમ્પિયનશીપમાં સુરતના પાંચ ખેલાડીઓએ ભાગ લીધો હતો. જેમાં પાંચમાંથી બે ખેલાડીઓએ સુરત અને ગુજરાતને બ્રોન્ઝ મેડલ અપાવ્યા છે. જે સુરત, ગુજરાત નહીં પરંતુ દેશ માટે પણ ગૌરવની વાત કહી શકાય.

 
ખેલાડીઓને રોજ પાંચ કલાક કરાવવામાં આવતી પ્રેક્ટિસ 
ટાઈકવાન્ડોએ એક પ્રકારની માર્શલ આર્ટ છે જેમાં મુખ્ય ફિઝિકલ ફિટનેસ પર મહત્વ આપવામાં આવે છે. ફૂલ કોન્ટેક સ્પોર્ટ્સ હોવાના કારણે ખેલાડીની શારીરિક ક્ષમતા પર વધારે કામ કરવામાં આવે છે. જેને કારણે આ સ્પર્ધામાં ભાગ લેનાર તમામ ખેલાડીઓને રોજ પાંચ કલાક મિનિમમ પ્રેક્ટિસ કરાવવામાં આવતી હતી. ભારતને રીપ્રેઝન્ટ કરનાર સુરતના તમામ ખેલાડીઓ સ્પોર્ટ્સ ઓથોરિટી ઓફ ગુજરાતના સભ્ય છે અને SGA માં જ તેમણે ટ્રેનિંગ લીધી છે.  
 
20 ખેલાડીઓએ લીધો હતો ભાગ 
11th એશિયન જુનિયર ટાઈકવાન્ડો ચેમ્પિયનશીપમાં ભારત માટે રમનાર સુરતની નિર્વિ હેક્કડ નેપાળને હરાવીને બ્રોન્ઝ મેડલ જીતીને આવી છે ત્યારે તે આ ગેમ્સ માટે રોજ પાંચ કલાકની સખત મહેનત કરતી હતી. જેને કોચ દ્વારા ફિઝિકલ ફિટનેસ પર વધારે ધ્યાન આપવામાં આવતું હતું.   એશિયન ગેમ્સમાં બ્રોન્ઝ મેડલ જીત્યા બાદ આગામી સમયમાં  સિનિયર ગેમમાં પણ અન્ય ગેમ્સમાં ભારતનું પ્રતિનિધિત્વ કરીને ભારત માટે ગોલ્ડ લાવવાની ઈચ્છા નિર્વિ ધરાવે છે.હાલ રમાયેલી ચેમ્પિયનશિપમાં ઇન્ડિયન ટીમમાં 10 બોયઝ અને 10 ગર્લ્સ એમ કુલ 20 ખેલાડીઓએ ભાગ લીધો હતો. જેમાંથી પાંચ ખેલાડીઓ ગુજરાતને રીપ્રેઝન્ટ કરતા હતા તેઓ તમામ સુરતના હતા અને આ પાંચ પૈકી ત્રણ છોકરીઓએ આ ચેમ્પિયનશિપમાં ભાગ લીધો હતો અને જે પૈકી એક છોકરી બ્રોન્ઝ મેડલ લઈને આવી છે.