આગાહી / રાજ્યમાં વરસાદનું જોર ઘટ્યું, ગુજરાત આ શહેરોમાં હળવાથી ભારે વરસાદની આગાહી

• રાજ્યમાં હળવા વરસાદની હવામાન વિભાગનું અનુમાન
• સૌરાષ્ટ્ર અને ઉત્તર ગુજરાતમાં હળવા વરસાદની સંભાવના
• કેટલાક વિસ્તારમાં પડી શકે છે વરસાદી ઝાપટા

રાજમાં હવામાન વિભાગે હળવા વરસાદની આગાહી કરી છે તો અમદાવાદમાં ગઈ કાલે હળવો વરસાદ થયા બાદ આજે પણ હળવો વરસાદ પડી શકે તેવી આગાહી કરી છે મહત્વનું છે કે શહેરમાં ગઈ કાલે 33.6 ડિગ્રી સરેરાશ મહત્તમ તાપમાન નોંધાયું હતું.
 

રાજ્યમાં વરસાદનું જોર ઘટ્યું હવામાન વિભાગે કરી આગાહી

હવામાન વિભાગની આગાહી પ્રમાણે આગામી પાંચ દિવસ અમદાવાદમાં ભારે વરસાદ પડવાની કોઈ શક્યા નથી. રાજ્યમાં વરસાદનું જોર ઘટ્યું છે ત્યારે રાજ્યના હવામાન વિભાગે હળવા વરસાદની આગાહી કરી છે. રાજ્યમાં સૌરાષ્ટ્ર અને ઉત્તર ગુજરાતમાં હળવા વરસાદની સંભાવના સેવવામાં આવી છે તો કેટલાક વિસ્તારમાં વરસાદી ઝાપટા પડી શકે છે જો કે ગુરૂવારે રાજ્યના 14 તાલુકામાં બે ઈંચથી વધુ વરસાદ નોંધાયો હતો. 
 

હવામાન વિભાગે હળવા વરસાદની આગાહી વ્યક્ત કરી 

હવામાન વિભાગે અમદાવાદ, ગાંધીનગરમાં ઝાપટા પડવાની સંભાવના જણાવતા પોરબંદર, જામનગર, જૂનાગઢમાં હળવા વરસાદની સંભાવના વ્યક્ત કરી છે. જ્યારે મહેસાણા, અરવલ્લી, સાબરકાંઠા,બનાસકાંઠામાં વરસાદની સંભાવના જોવામાં આવી રહી છે, હાલ રાજ્યમાં વરસાદની નવી કોઇ સિસ્ટમ સક્રીય નથી થઈ ત્યારે હવામાન વિભાગે હળવા વરસાદની આગાહી વ્યક્ત કરી છે. 

એક સપ્તાહ સુધી ભારે વરસાદની કોઈ સંભાવના નહીં

રાજ્યના હવામાન વિભાગે દમણ, દાદરાનગર હવેલી, આણંદ, દાહોદ, ખેડામાં વરસાદની સંભાવના તેમજ મહીસાગર, પંચમહાલ, ગીર સોમનાથ, રાજકોટમાં વરસાદ પડવાની આગાહી કરી છે  હવામાન વિભાગની આગાહી પ્રમાણે રાજ્યમાં હવે આગામી એક સપ્તાહ સુધી ભારે વરસાદની કોઈ સંભાવના નથી. હવામાન વિભાગે માહિતી આપતા જણાવ્યુ કે, જૂન મહિનામાં ગુજરાતમાં સારો વરસાદ થયો છે. એક સપ્તાહ સુધી ગુજરાતમાં વરસાદની કોઈ એક્ટિવ સિસ્ટમ નથી. જેથી ભારે વરસાદની સંભાવના નથી. જોકે દક્ષિણ ગુજરાતમાં છૂટો છવાયો વરસાદ પડી શકે છે. તો રાજ્યભરમાં વરસાદી ઝાપટા પડી શકે છે.