ગુજરાતમાં દારૂબંધી છે તેમ છતાં ખુલ્લેઆમ દારૂની રેલમ છેલ જોવા મળતી હોવાના આક્ષેપો વારંવાર ઉઠે છે એટલું જ નહીં પણ આ મામલે ગુજરાત સરકાર અને ગુજરાત પોલીસ ઉપર પણ વારંવાર આંગળી ઉઠે છે. પણ બનાસકાંઠામાં એક પોલીસ કોનસ્ટેબલે ગુજરાત પોલીસનું નાક વઢાવે તેવું કામ કર્યુ છે. પકડાયેલી દારૂની ગાડીમાંથી ખુદ પોલીસે જ દારૂ વેચી મારતા પ્રશ્નો ઉઠ્યા છે કે આ તો કોન્સ્ટેબલ છે કે બુટલેગર?
પોલીસની શરમજનક કરતૂત
દારૂ જપ્ત કરીને વેચી માર્યો
16 પેટી દારૂનું કર્યું વેચાણ
કોન્સ્ટેબલ સામે નોંધાયો ગુનો
બનાસકાંઠા અમીરગઢ પોલીસ મથકના કોન્સ્ટેબલની એક શરમજનક કરતૂત સામે આવી છે. આ કોન્સ્ટેબલે PSIની ગેરહાજરીમાં દારૂની પેટી ઝડપી તો પાડી પરંતુ આ 16 પેટીને બારોબાર વેચી મારી હતી. PSIને ઘટનાની જાણ થતાં કોન્સ્ટેબલ અને દારૂ ખરીદનાર એમ બંને સામે ગુનો નોંધીને આગળની કાર્યવાહી હાથ ધરી છે.
દારૂની ગાડી ઝડપી અને દારૂ બારોબાર વેચી માર્યો હતો
બનાસકાંઠાના અમીરગઢ પોલીસ મથકના કોન્સ્ટેબલનું કારનામું સામે આવ્યુ છે. આ કાળા કારનામાને પગલે પોલીસ પર પણ સલાવ ઉઠી રહ્યા છે કે, આતો પોલીસ છે કે કોન્સ્ટેબલ, પોલીસ કોન્સ્ટેબલે દારૂની ગાડી ઝડપી અને દારૂ બારોબાર વેચી માર્યો હતો.
કોણ છે એ કોન્સ્ટેબલ?
આ શરમજનક કામ કરનાર કોન્સ્ટેબલનું નામ નરસિંહ નાગજી છે. પોલીસ કોન્સ્ટેબલે 16 પેટી દારૂ બારોબાર વેચી નાખ્યો હતો.
ક્યારે ઝડપાયો હતો દારૂ?
PSI ની ગેરહાજરી દરમિયાન દારૂની કાર ઝડપી હતી. કાર ઝડપી કોન્સટેબલે દારૂ સગેવગે કર્યો હતો. 15 દિવસની તપાસ બાદ ગુનો નોંધાયો છે. PSIએ કોન્સ્ટેબલ અને દારૂ ખરીદનારા બંને સામે ગુનો નોંધ્યો છે.