BREAKING / જિગ્નેશ મેવાણીને મોટો ઝટકો: જામીન અરજી રદ, 5 દિવસ સુધી પોલીસ કસ્ટડીમાં રહેશે

• જિગ્નેશ મેવાણીને ફરી વાર ઝટકો લાગ્યો
• આસામ પોલીસે અન્ય એક કેસમાં ધરપકડ કરી
• 5 દિવસ સુધી પોલીસ કસ્ટડીમાં રહેશે

 

ગુજરાતના ધારાસભ્ય જિગ્નેશ મેવાણીને 5 દિવસ પોલીસ કસ્ટડીમાં મોકલી દેવામાં આવ્યા છે. મંગળવારે જિગ્નેશ મેવાણીને આસામ પોલીસે મહિલા પોલીસ કર્મી દ્વારા એસ્કોર્ટ કરવા દરમિયાન છેડછાડ અને અભદ્ર ભાષાનો પ્રયાગ મામલે રજૂ કરવામાં આવ્યા હતા. જિગ્નેશ મેવાણી પર લાગેલા આરોપની સુનાવણી કરતા બારપેટા સીજેએમ કોર્ટે તેમની જામીન અરજી રદ કરી દીધી હતી. સાથે જ કોર્ટે મેવાણીને 5 દિવસ સુધી પોલીસ કસ્ટડીમાં મોકલવાનો આદેશ આપ્યો હતો.

Assam | Barpeta Police re-arrests Gujarat MLA Jignesh Mevani in connection with another case, right after he was granted bail in the matter connected to his tweet: Advocate Angshuman Bora, lawyer of Jignesh Mevani to ANI

(File photo) pic.twitter.com/jUAQMECbE8

— ANI (@ANI) April 25, 2022

મેવાણી પર ફરી વાર લગાવ્યો ગંભીર આરોપ

આપને જણાવી દઈએ કે, આસામના કોકરાઝાર કોર્ટમાંથી જિગ્નેશ મેવાણીને જામીન મળી ગયા હતા. તેના તુરંત બાદ પોલીસે મેવાણીને અન્ય એક કેસમાં ધરપકડ કરી હતી. આ દરમિયાન કોરકાઝારથી જિગ્નેશ મેવાણીને બારપેટા લઈ જવામાં આવ્યા હતા. આ દરમિયાન તેમના પર પોલીસકર્મી સાથે છેડછાડ કરવા અને તેમની સાથે અભદ્ર ભાષામાં વ્યવહાર કરવાનો પણ આરોપ લગાવ્યો હતો.  આ અગાઉ જિગ્નેશ મેવાણી પર પીએમ મોદી વિરુદ્ધ વિવાદીત ટ્વિટ કરવાને લઈને ધરપકડ થઈ હતી. આસામ પોલીસે મેવાણીને ગુજરાતમાંથી ધરપકડ કરીને લઈ ગઈ હતી. આ મામલામાં મેવાણી ત્રણ દિવસ સુધી પોલીસ રિમાંડમાં હતા.

ભાજપ-આરએસએસ અને મોદી પર વિવાદીત ટ્વિટ

જિગ્નેશ મેવાણીમાં નોંધાયેલ ફરિયાદ વિરુદ્ધ આઈપીસીની કલમ 120 બી સહિત કેટલીય કલમો લગાવામાં આવી છે. તેમના પર ભાજપ અને આરએસએસ તથા પીએમ મોદી વિરુદ્ધ વિવાદીત તથા આકરા શબ્દોમાં ટિપ્પણી કરવાનો આરોપ છે. પીએમ મોદીના ગુજરાત પ્રવાસ પહેલા જ મેવાણીએ વિવાદીટ ટ્વિટ કર્યું હતું, જેના પર પોલીસે એક્શન લીધી છે.