કોરોના સંકટ / ગુજરાતના આ શહેરમાં કોરોનાના વધતા કેસને લઇને ત્રણ દિવસ જનતા કર્ફ્યુંનો લેવાયો નિર્ણય

• મહીસાગરમાં કોરોનાનો કેર
• લોકોએ જનતા કર્ફ્યનો લીધો નિર્ણય
• આગામી ત્રણ દિવસ જનતા કર્ફ્યું રહેશે

મહીસાગર જીલ્લામાં દીન પ્રતિદિન કોરોનાના કેસો વધી રહ્યા છે અને લોકલ સંક્રમણ વધી રહ્યું છે. હાલમાં જિલ્લામાં પોઝીટિવ કેસોનો આંક 211 પર પહોચ્યો છે. આ સાથે સાથે જિલ્લામાં મૃત્યુ આંક 12 પર પહોચ્યો છે.
 

આમ મહીસાગર જીલ્લામાં કોરોનાના કારણે દહેશત ફેલાયેલી છે એવામાં જીલ્લામાં વિવિધ એસોસિએશન તેમજ વિવિધ સમાજો દ્વારા જિલ્લા ક્લેક્ટરને લેખિત આવેદન આપીને આગામી ત્રણ દિવસ જનતા કર્ફ્યું પાળવાની પરવાનગી માંગી છે.
 

ત્યારે જિલ્લામાં આગામી 17 તારીખ થી 20 તારીખ સુધી ત્રણ દિવસ એટ્લે કે શુક્રવાર શનિવાર અને રવિવાર માટે લુણાવાડામાં બજારો બંધ રહશે. લોકો સ્વયંમ જનતા કર્ફ્યું પાળશે. આ આવેદનને જિલ્લા તંત્ર દ્વારા પણ સમર્થન મળ્યું છે.