ગુજરાત હાઈકોર્ટે કહ્યું લોકોના જાનમાલ જોખમાય તે યોગ્ય નહી, ગેરકાયદેસર બાંધકામો શા માટે પ્રશાસન ચલાવી લે છે?
ધોળકા નપા ચીફ ઓફિસરને HCએ ફટકાર્યો દંડ
ચીફ ઓફિસરને રૂ.20 હજારનો દંડ
ગેરકાયદેસર બાંધકામોને લઇને HC નારાજ
દબાણ. આ શબ્દ વીશે શહેરોમાં રહેતા લોકોને ખુબ ખબર હશે. કારણ કે, મહાનગરો અને નગરોમાં લોકોએ દબાણો એટલા કર્યા છે કે, રસ્તાઓ સાંકડા બની ગયા છે અને ટ્રાફિકની સમસ્યાઓ વધી ગઈ છે.ટ્રાફિક પોલીસ અને પાલિકા તંત્ર રોડ પરના દબાણો હટાવવામાં નિષ્ફળ રહ્યું છે...બજારોમાં આડેધડ વાહન પાર્કિંગ જોવા મળે છે...પરંતુ ટ્રાફિક પોલીસ માત્ર વાહનો ડિટેઇન કરીને સંતોષ માની રહી છે. ગેરકાયદેસર દબાણ હટાવવા માટે તંત્ર દ્વારા અનેક ઝુંબેશ શરૂ કરવામાં આવે છે પણ જોઈતું પરિણામ ન મળતા બધુ ઠરીને ઢીકરું થઈ જાય છે. રાજ્યમાં એવા કેટલાય ગરકાયદે બાંધકામ પણ છે જેના કારણે લોકોનો જીવ પણ જોખમાય છે. કારણ કે મંજૂરી વગર મનફાવે તેમ બિલ્ડિંગો કે મકાનો ઊભા કરી દેવામાં આવ્યા છે
HCએ ચીફ ઓફિસરને રૂ.20 હજારનો દંડ ફટકાર્યો
ત્યારે ધોળકા નગરપાલિકાના ચીફ ઓફિસરને HCએ દંડ ફટકાર્યો છે. નગરપાલિકાના વિસ્તારમાં ગેરકાયદેસર બાંધકામોને લઇને ગુજરાત હાઈકોર્ટે નારાજગી દર્શાવી છે. HCએ રાજ્ય સરકાર સામે પણ આકરી ટિપ્પણી કરી છે કે લોકોના જાનમાલ જોખમાય તે યોગ્ય નથી અને વેધક સવાલ પણ કર્યો છે કે ગેરકાયદેસર બાંધકામો શા માટે પ્રશાસન ચલાવી લે છે? લોકોના જીવની સલામતી સરકારની પ્રાથમિકતા હોવી જોઈએ. નગરપાલિકા પગલા ના લે તો સરકાર નગરપાલિકાને સુપરસીડ કરે આમ સુનાવણી દરમિયાન HCએ ચીફ ઓફિસરને રૂ.20 હજારનો દંડ ફટકારી ગેરકાયદે બાંધકામ પર કડક કાર્યવાહી કરવા સૂચન કર્યું છે.
સરકારી જમીનો પરના દબાણોની દૂર કરવા આદેશ આપ્યા:મહેસૂલ મંત્રી રાજેન્દ્ર ત્રિવેદી
મહેસૂલ મંત્રી રાજેન્દ્ર ત્રિવેદીએ બજેટ સત્ર દરમિયાન ગૃહમાં જણાવ્યું હતું કે રાજ્યમાં જ્યાં પણ સરકારી જમીનો પર દબાણ હોય તો આવા દબાણોની ત્વરિત માપણી કરીને દબાણો દુર કરવા વહીવટી તંત્રને સૂચના આપી દેવાઇ છે. ભરૂચ જિલ્લામાં ગેરકાયદે ઝીંગા ફાર્મ અંગેના પ્રશ્નના પ્રત્યુત્તરમાં મંત્રી ત્રિવેદીએ ઉમેર્યુ કે ભરૂચ જિલ્લાના હાંસોટ તાલુકામાં સરકારી જમીન પર ગેરકાયદે દબાણ કરીને ઝીંગા ફાર્મ ઉભા કરાયેલ પૈકી ૪૩,૦૭૨ ચો.મી. જમીનના ૫ તળાવો દૂર કરવાના બાકી હતા તે આજની તારીખે દૂર કરી દેવાયા છે.
સળગતા સવાલ ?
શા માટે હાઇકોર્ટે રાજ્ય સરકાર સામે આકરી ટિપ્પણી કરવી પડી ?
શા માટે ધોળકા નગરપાલિકા ગેરકાયદેસર બાંધકામ સામે કોઇ કાર્યવાહી કરતું નથી ?