મહામારી / આજે નવા 1372 નવા કેસઃ સુરત બાદ અમદાવાદમાં કોરોનાએ ફરી માથું ઉચક્યું, જાણો સૌથી વધુ કેસ ક્યાં નોંધાયા

• 24 કલાકમાં રાજ્યમાં 61,907 કોરોનાના ટેસ્ટ કરાયા 
• છેલ્લા 24 કલાકમાં 1372 કોરોનાના નવા કેસ નોંધાયા
• કુલ આંકડો 127541 પર પહોંચ્યો

રાજ્યમાં છેલ્લા 24 કલાકમાં 61,907 કોરોનાના ટેસ્ટ કરવામાં આવ્યા જેમાંથી 1372 કોરોનાના પોઝિટિવ કેસ નોંધાયા છે. જેને લઇને કુલ આંકડો 127541 પર પહોંચ્યો છે. મહત્વનું છે કે રાજ્યમાં રિકવરી રેટ 84.44 ટકા છે. આજે દર્દીઓ 1289 સાજા થતા કુલ સાજા થયેલા દર્દીઓનો આંકડો 107701 પર પહોંચ્યો છે. આજે 15 દર્દીઓના મોત થતા કુલ મૃત્યુઆંક 3370 પર પહોંચ્યો છે. જ્યારે એક્ટિવ કેસ 16470 છે.

આજે 15 દર્દીઓના મોત થયા

આજે કોરોના વાયરસે 15 દર્દીઓનો ભોગ લીધો જેમાં અમદાવાદમાં 3, સુરતમાં 4 રાજકોટમાં 2, વડોદરામાં 3, ભાવનગરમાં 2 અને મોરબીમાં 1 દર્દીનું સારવાર દરમિયાન મોત થયું છે.

અમદાવાદમાં કોરોનાએ ફરી માથું ઉચક્યું

સુરત બાદ અમદાવાદમાં સૌથી વધુ કોરોનાના કેસ નોંધાય રહ્યા છે. અમદાવાદમાં આજે 185 કોરોનાના નવા કેસ સાથે કુલ આંકડો 35489 પર પહોંચ્યો છે. ત્યારે અત્યાર સુધીમાં અમદાવાદમાં સૌથી 1792 દર્દીઓના મોત થયા છે.

• ગુજરાત યુનિવર્સિટીમાં કોરોના વિસ્ફોટ

અમદાવાદમાં ગુજરાત યુનિવર્સિટીમાં પરીક્ષા વિભાગ, એકેડેમિક વિભાગ, એસ્ટેટ વિભાગ સહિત અન્ય કર્મચારીઓ પણ કોરોના પોઝિટિવ આવ્યો છે. યુનિવર્સિટી ટાવરમાં કામ કરતા અનેક જોબ ટ્રેઇનીંને પણ કોરોના પોઝિટિવ આવ્યો છે. કોરોના વિસ્ફોટ થતાં યુનિવર્સિટી ટાવર બંધ કરાયો છે. સોમવાર સુધી ટાવરમાં પ્રવેશવા પર પ્રતિબંધ મુકાયો છે.

• અમદાવાદ કોર્પોરેશનના કર્મચારીઓ કોરોના સંક્રમિત

અમદાવાદ રીવરફ્રન્ટ હાઉસના 4 કર્મચારી કોરોના સંક્રમિત થયા છે. કર્મચારી અને સંપર્કમાં રહેલા કર્મચારી આઈસોલેટ કરાયા છે. રીવરફ્રન્ટ હાઉસમાં મેયર, મ્યુ. કમિશનર ઉપરાંત અધિકારીઓની બેઠક યોજાઇ હતી. ગાર્ડન વિભાગના ફિલ્ડમાં કામ કરતા 4 કર્મી કોરોના સંક્રમિત થયા છે. AMCમાં બે સપ્તાહમાં કુલ 13 લોકો પોઝિટિવ નોંધાયા છે.

આજે કોરોનાના 61,907 ટેસ્ટ કરવામાં આવ્યા

રાજ્યમાં આજે કુલ 61,907 કોરોનાના ટેસ્ટ કરવામાં આવ્યા છે. તો અત્યાર સુધીમાં રાજ્યમાં કુલ 39,86,370 ટેસ્ટ કરવામાં આવ્યા. ત્યારે રાજ્યમાં છેલ્લા 24 કલાકમાં નોંધાયેલા કેસના જિલ્લાવાર આંકડા નીચે મુજબ છે.