રાહત / ગુજરાતના ખેડૂતોની મોટી સમસ્યાનો આવ્યો ઉકેલ, જાણો સરકારે શું કર્યો મહત્વનો નિર્ણય

• ચણા, તુવેરની સીધી ખરીદી કરશે સરકાર
• ખેડૂતના હિતમાં ગુજરાત સરકારનો નિર્ણય
• 15 ફેબ્રુઆરીથી થશે સીધી ખરીદી

ખેડૂતોના હિતમાં રાજ્ય સરકારનો નિર્ણય

હવે રાજ્ય સરકાર ખેડૂતો પાસેથી તુવેર, ચણાની સીધી ખરીદી કરશે.જેને લઇને લઘુત્તમ ટેકાના ભાવ પણ નક્કી કરાયા છે. જે ખેડૂતો લઘુત્તમ ટેકાના ભાવે વેચાણ કરવા ઇચ્છતા હશે તેમણે ઓનલાઇન નોંધણી કરાવી પડશે.

15 ફેબ્રુઆરીથી ચણા અને તુવેરની સીધી ખરીદી કરશે સરકાર

ચાલુ વર્ષે ચણા સહિતના રવિ પાકોનું વાવેતર સારૂ થયું છે તે ત્યારે ખેડૂતોને સારા ભાવ મળે તેવો પ્રયાસ કરાયો છે. સરકાર દ્વારા ચણાના વધુ જથ્થો ખરીદાશે. તુવેર અને ચણાની ખરીદી 15 ફેબ્રુઆરીથી કરાશે. તુવેર માટે પ્રતિ મણ ભાવ રૂ.1260, જ્યારે ચણા માટે પ્રતિ મણ ભાવ રૂ.1050 નક્કી કરાયો છે. રાજ્ય સરકાર દ્વારા નિયુક્ત ગુજરાત સ્ટેટ કોઓપરેટીવ માર્કેટીંગ ફેડરેશન દ્વારા ખરીદી કરાશે.

વચેટિયા પ્રથા દૂર કરવા સરકારનો નિર્ણય

ખેડૂતોએ ઓનલાઇન નોંધણી કરાવવા માટે જરૂરી પુરાવા જેવા કે આધાર કાર્ડની નકલ, અદ્યતન મહેસૂલી રેકર્ડની નકલ, પાક વાવણી અંગે એન્ટ્રી ન થઇ હોય તો પાકની વાવણી અંગેનો તલાટીના સહી સિક્કા સાથેનો દાખલો, ખેડુતના નામના બેન્ક ખાતાની વિગત વગરે સાથે લાવવાના રહેશે. ઉલ્લેખનીય છે કે, ખેડૂતોને તેમના પાકના પોષણક્ષમ ભાવ મળી રહે તે માટે રાજ્ય સરકારે આ પગલુ ભર્યુ છે.