ગાઈડલાઈન / ગુજરાતમાં પાન-મસાલા, ઓફિસો અને તમામ દુકાનો ખૂલશે, હેર સલૂનને શરતી મંજૂરી, અમૂલ પર માસ્ક પૈસાથી વેચાશે

• ગુજરાતમાં છૂટછાટ અને પ્રતિબંધ અંગે રાજ્ય સરકારની મહત્વની જાહેરાત
• લૉકડાઉન 4.0ને લઇને રાજ્ય સરકાર દ્વારા તૈયાર કરાઇ ગાઈડલાઈન
• મનપા કમિશનરો અને જિલ્લા કલેક્ટરો સાથેની CM રૂપાણીએ કરી હતી બેઠક

જાણો શું ચાલું રહેશે અને શું બંધ?

અન્ય નિયમો:

• જાહેરમાં થૂંકનારને 200 રૂપિાયનો દંડ, માસ્ક નહીં પહેરનારને પણ 200 રૂપિયાનો દંડ
• પાન-ગલ્લા પર ગ્રાહકો ઉભા રહી શકશે નહીં
• સોશ્યલ ડિસ્ટન્સિંગનું પાલન કરવાનું રહેશે
• ઓડ ઈવન એટલે એક દિવસે 50 ટકા ખુલ્લું રહેશે અને બીજા દિવસે 50 ટકા
• અમૂલના પાર્લર પર 3 લેયર (રૂ.5) અને N 95 (રૂ.65)માં માસ્ક મળશે
   

  

  (આ તમામ નિયમો 31 મે સુધી લાગૂ રહેશે)

​​પ્રજાજોગ સંબોધનમાં મુખ્યમંત્રીએ જણાવ્યું હતું કે, કોરોના મહામારી સામે 54 દિવસથી ગુજરાતની જનતા લડી રહી છે. ત્રણેય લૉકડાઉનમાં ગુજરાતની જનતાએ સહકાર આપ્યો છે. કોરોના સંક્રમણને રોકવા સૌ પ્રયાસ કરી રહ્યા છે. મુખ્યમંત્રીએ ગુજરાતની જનતાનો આભાર માન્યો. તેમણે કહ્યું, ગુજરાતની પ્રજાને અભિનંદન આપું છું. રાજ્ય સરકાર ગરીબ, શ્રમિક અને મધ્યમવર્ગની ચિંતા કરે છે.

મહત્વનું છે કે, મુખ્યમંત્રી વિજય રૂપાણીએ 4 મનપા કમિશનર સાથે લૉકડાઉન 4.0 અંગે ચર્ચા કરી હતી. ત્યારે 4 મનપા કમિશનર સાથે વીડિયો કોન્ફરન્સ દ્વારા મહત્વની ચર્ચા કરાઇ હતી. મુખ્યમંત્રી સાથે યોજાયેલી પ્રથમ તબક્કાની બેઠકમાં રાજ્યમાં છૂટછાટ અંગે વિસ્તૃત ચર્ચા કરવામાં આવી હતી. સ્વાસ્થ્ય સુરક્ષા સાથે વેપાર ધંધા શરૂ કરવાની ફોર્મુલા પર ચર્ચાઓ થઈ હતી. ત્યારે હવે લૉકડાઉન 4.0ના નિયમો અંગે રાજ્ય સરકાર દ્વારા નવા નિયમો જાહેર કરવામાં આવ્યા છે.

મંગળવારથી ગાઇડલાઇન અમલી થશે

લૉકડાઉનમાં આપણે સ્ટ્રિકલી આગળ વધી રહ્યા છે. ભારત સરકારની ગાઈડલાઈન પ્રમાણે કલેક્ટરો સાથે ચર્ચા કરીને પોત પોતાના વિસ્તારના કન્ટેન્મેન્ટ ઝોન રાજ્ય સરકારને સોંપ્યા છે. કેન્દ્ર સરકારની ગાઈડલાઇન બાદ રાજ્ય સરકારે જણાવ્યું હતું કે, મંગળવાર સવારથી રાજ્યમાં ગાઈડલાઈનનો અમલ કરાશે.