નિર્ણય / આંતરરાજ્ય ચેકપોસ્ટ બંધ કરતા રાજસ્થાનથી ગુજરાતમાં દારૂ ઘુસાડવાનું મોકળુ મેદાન

• રાજ્યમાં આવેલી ચેકપોસ્ટ બંધ કરવાનો નિર્ણય
• DGPએ તમામ જિલ્લા પોલીસવડાને કર્યો આદેશ
• આંતરરાજ્ય ચેકપોસ્ટ બંધ કરવાનો DGPનો નિર્ણય
• ફાળવેલ મહેકમને અન્ય સ્થળે ફરજમાં લેવાનો આદેશ

આજથી આતંરરાજ્ય ચેકપોસ્ટ બંધ કરીને ત્યાં કાર્યરત પોલીસ જવાનોને બીજા કામે લગાડવામાં આવ્યા છે ત્યારે સામે 31મી ડિસેમ્બર ઉભી છે અને બોર્ડરો આમ રેઢી મૂકવી કેટલી યોગ્ય છે તેવા પ્રશ્નો ઉઠી રહ્યા છે. રાજ્યની આશરે 200થી વધુ ચેકપોસ્ટ બંધ કરવાનો નિર્ણય લેવાયો છે. 

શામળાજીની આતંરરાજ્ય પોલીસ ચેકપોસ્ટ આજથી બંધ

રાજ્યમાં સૌથી વધુ દારૂ ઝડપતી રતનપુર ચેકપોસ્ટ આજથી બંધ કરી દેવામાં આવી છે ત્યારે રાજસ્થાનથી ગુજરાતમાં દારૂ ઘુસાડવામાં મોકળુ મેદાન મળશે. 31 ડિસેમ્બરને લઇ બુટલેગર મોટી સંખ્યામાં દારૂનો સ્ટોક કરી શકે છે.

દારૂ સહિતનો આપત્તીજનક મુદ્દામાલ ઘુસી શકે છે રાજ્યમાં

રાજ્યમાં દારૂ સહિતનો આપત્તીજનક મુદ્દામાલ બે રોકટોક ઘુસશે. આતંરરાજ્ય ચેકપોસ્ટ ઉપર કોઈ બંધન ન રહેતા ગુનાખોરી વધી શકે છે.