- રાજ્યમાં ખેડૂતો પરના દેવામાં થયો વધારો
- છેલ્લા બે વર્ષમાં કૃષિ ક્રેડિટમાં 32 ટકા થયો વધારો
- વર્ષ ૨૦૨૧-૨૨માં કૃષિ ક્રેડીટ ૯૬૯૬૩.૦૭ કરોડ પર પંહોચી
છેલ્લા બે વર્ષની સરખામણીમાં ખેડૂતો પરના દેવામાં મોટા પાયે વધારો થયો હોવાનું સામે આવ્યું છે. છેલ્લા બે વર્ષમાં કૃષિ ક્રેડીતમાં 32 ટકા જેટલો જબરો વધારો નોંધાયો છે. ગુજરાતમાં એગ્રીકલ્ચર ક્રેડીટ ૨૦૧૯-૨૦માં ૭૩૨૨૮.૬૭ કરોડ રૂપિયાની સરખામણીમાં વધીને ૨૦૨૧-૨૨માં ૯૬૯૬૩.૦૭ કરોડ થઇ હોવાનું સંસદમાં રજૂ કરાયેલ આંકડાઑ પરથી જાણવા મળી રહ્યું છે. જેની પાછળનું કારણ બિયારણ,ખાતર, વિજળી, ઉપરાંત ઈંધણમાં આવેલ ભાવવધારો અને નિષ્ફળ જતાં પાક જવાબદાર હોવાનું જાણવા મળી રહ્યું છે.
બે વર્ષમાં એગ્રીકલ્ચ૨ર ક્રેડીટ હેઠળ લેવાયેલ લોનમાં ૪૫ ટકાનો વધારો
ખેડૂતોની ક્રેડીટ રીકવાયરમેન્ટમાં છેલ્લા બે વર્ષમાં મોટો વધારો થયો હોવાનું સત્તાવાર રીતે સામે આવ્યું છે.કેન્દ્રિય કૃષિ મંત્રાલય દ્વારા કૃષિ ક્રેડીટ અંગેના આંકડા જાહેર કરવામાં આવ્યા છે. જે કેન્દ્રિય કૃષિ મંત્રાલયના આંકડામાં જણાવાયા અનુસાર આ સમયગાળામાં ખાતા દીઠ એગ્રીકલ્ચર ક્રેડીટ ૧.૭૧ લાખ રૂપિયા હતી જે વધીને ૨.૪૮ લાખ રૂપિયા સુધી પહોંચી છે. વધુમાં ગુજરાતમાં કૃષિ ક્રેડીટ ૨૦૧૯-૨૦માં ૭૩૨૨૮.૬૭ કરોડ રૂપિયા હતા જે વર્ષ ૨૦૨૧-૨૨માં કૃષિ ક્રેડીટ ૯૬૯૬૩.૦૭ કરોડ પર પંહોચી છે. તથા બે વર્ષમાં એગ્રીકલ્ચ૨ર ક્રેડીટ હેઠળ લેવાયેલ લોનમાં ૪૫ ટકાનો વધારો નોંધાયો છે.
વારંવાર પાક નિષ્ફળ જવોએ ખેડૂતોનુ દેવુ વધવાનું મોટુ કારણ
અંદાજ મુજબ બે વર્ષ પહેલા ખાતરની એક થેલી ૨૧૦ રૂપિયામાં વેંચાતી હતી. જે હાલ મોંઘવારીના યુગમાં ૩૧૦ રૂપિયામાં મેળવવી પણ મુશ્કેલ પડી રહી છે. વધુમાં ડીઝલના ભાવ પણ ભડકે બળી રહ્યા છે. જ્યારે તૌકતે વાવાઝોડા સહીતની પ્રતિકૂળતાને પગલે પણ પાક નિષ્ફળ ગયો હતો. તથા છેલ્લા કેટલાય સમયથી વરસાદની અનિયમિતતાને લઇને પણ ખેડૂતોને મોટા પાયે નુકસાની ભોગવવાનો વારો આવ્યો છે. આથી ખેડૂતોના દેવા વધારો થયો છે. એટલું જ નહીં અતિવૃષ્ટિને પગલે પાકની ગુણવત્તાને નુકશાન થવાથી ભાવો ઓછો મળે છે. આ તમામ સમસ્યાને લઇને ખેડૂતનો ખર્ચમાં વધારો થયો છે.
બે વર્ષમાં કેટલો ભાવફેર?
મહત્વનું છે કે બે વર્ષ પહેલા મગફળીનું બિયારણ હજારથી બારસો રૂપિયા મળતું હતું જે આજે ડબલ થઇ 2200 થી 2400 એ પહોંચ્યું છે. તે જ રીતે બે વર્ષ પહેલા એક એકર જમીન ખેડવાના રૂપિયા પ્રતિ કલાકે 800 હતા જેમા પણ ભાવવધારો આવતા તે1200 એ પહોંચ્યા છે. વધૂમા બે વર્ષ પહેલા પ્રતિ દિવસ ખેત મજૂરનું વેતન 150 થી 200 હતું આજે 250 થી 350 થયું છે અને રાસાયણિક દવા ખાતરોમાં બે વર્ષ પહેલા અને આજની તારીખની કિંમતોમાં ૨૦ ટકાનો વધારો છે.
