તૈયારી / અમદાવાદમાં સંઘ અને ભાજપ વચ્ચે મોટી બેઠક, CR પાટીલની હાજરીમાં ચૂંટણીની વ્યૂહરચનાને અપાયો આખરી ઓપ, જાણો રણનીતિ

• અમદાવાદમાં સંઘ અને ભાજપની બેઠક પૂર્ણ
• ચૂંટણીને લઇ કરાઇ ચર્ચા
• સંઘ બેઠક પ્રમાણે તૈયાર કરશે રિપોર્ટ

આજે અમદાવાદના મણીનગર ખાતે આવેલા હેગડેવારભવન ખાતે સંઘ અને ભાજપની સમન્વય બેઠક યોજાઈ હતી.બેઠકમાં ભાજપના પ્રદેશપ્રમુખ સી.આર.પાટીલ રાજ્ય સરકાર ગૃહમંત્રી હર્ષસધવી તેમજ સગઠન મહામંત્રી રત્નાકરજી તેમજ શિક્ષણમત્રી જીતુ વાઘાણી હાજરીમાં યોજાઈ હતી.

ચૂંટણીલક્ષી જવાબદારીઓ સોંપાઈ
સંઘ અને ભાજપ વચ્ચે બેઠક પૂર્ણ થઇ છે. બેઠકમાં આગામી ચૂંટણી માટે ચર્ચા કરવામાં આવી હતી. આગામી ચૂંટણી માટે સંઘ સમકક્ષ વ્યવસ્થા બનાવશે.સંઘ તંત્ર અને કાર્યકર્તાઓને ચૂંટણી લક્ષી  જવાબદારીઓ પણ આપશે. દરેક વિધાનસભા સીટ પર કાર્યકરોને વિશેષ જવાબદારી આપવામાં આવશે. ચૂંટણી પહેલા દરેક બેઠક પ્રમાણે સંઘ રિપોર્ટ તૈયાર કરશે.બેઠકમાં AAPની એન્ટ્રી બાદ બદલાયેલા સમીકરણો પર ચર્ચા કરવામાં આવી હતી.હાલ શહેરી અને ગ્રામિણ વિસ્તારમાં સમીકરણો બદલાયા છે.લોકોને હિન્દુત્વ અને રાષ્ટ્રવાદી વિચારધારા જોડાયેલા રાખવા અભિયાન ચલાવવામાં પણ આવશે. બેઠકમાં રાજકીય અને સામાજીક સ્થિતિ પર ચર્ચા કરવામાં આવી હતી.સંઘ અને ભાજપની બેઠક અઢી કલાક ચાલી હતી.. આગામી ચૂંટણીમાં સંઘની ભૂમિકા અને સંઘના વિચારોની ચર્ચા પણ કરવામાં આવી હતી.

કોણ કોણ રહ્યું હાજર?
એક દિવસીય સમન્વય બેઠકમાં સંઘના ગુજરાત પ્રાંતના હોદ્દેદારો અને સંઘ સાથે જોડાયેલ અન્ય ભગિની સંસ્થાઓના જેમાં અખિલ ભારતીય વિદ્યાર્થી પરિસદ,વિધા ભારતી, ભારતીય શિક્ષણ મંડળ,સેવા ભારતી,સાહિત્ય સાધના તેમજ ભારતીય કિસાન સંઘ તેમજ VHP હોદેદારો હાજરીમાં બેઠક મળી હતી. જો કે સમન્વય બેઠકમાં ગુજરાતની રાજકીય સામાજિક પરિસ્થિતિના મુદ્દાઓને લઈને અગે મંથન થયું હતું, એકદીવીય બેઠકના સમાપન સમારોહમાં CM ભુપેન્દ્ર પટેલની હાજરીમાં યોજાશે.