હવે ગુજરાત માટે કોરોના ચર્ચાનો મુદ્દો નથી. પરંતુ વિધાનસભાની ચૂંટણી છે.કારણ કે, ગુજરાત વિભાનસભાની ચૂંટણીને હવે 11 મહિના જ બાકી છે.જેવી જ પાંચ રાજ્યોની ચૂંટણી ફેબ્રુઆરીમાં પૂર્ણ થશે કે, ગુજરાત વિધાનસભાની ચૂંટણીનો પ્રચાર-પ્રસાર શરૂ થઈ જશે.
ગુજરાતમાં આવશે વહેલી ચૂંટણી?
ડિસેમ્બર પહેલા વહેલી ચૂંટણીના એંધાણ
શું વિધાનસભાની ચૂંટણી સમય કરતા વહેલા થશે?
શું હોય શકે છે વિધાનસભા ચૂંટણી મુદ્દે ભાજપનું પ્લાનિંગ?
પરંતુ વર્તમાન સમિકરણોને જોતા વિધાનસભાની ચૂટણી વહેલી યોજાય તેવી અટકળો તેજ થઈ છે. તેવામાં જો વહેલી ચૂંટણી યોજાય તો કોને ફાયદો અને કોને નુકશાન થઈ શકે છે તેનું આંકલન મહત્વપૂર્ણ બની જાય છે.
સમય કરતા વહેલી યોજાઈ શકે વિધાનસભાની ચૂંટણી
હાલ દેશમાં પાંચ રાજ્યોની વિધાનસભા ચૂંટણીનો માહોલ જામ્યો છે અને આ ચૂંટણી પૂર્ણ થયા બાદ ડિસેમ્બરમાં ગુજરાત વિધાનસભાની ચૂંટણી પણ યોજાવાની છે. જોકે હાલમાં તો ભાજપનું ધ્યાન ઉત્તરપ્રદેશ,પંજાબની ચૂંટણીઓ પર છે. પરંતુ આ ચૂંટણીઓ પછી તરત જ ગુજરાત વિધાનસભા ચૂંટણી કેન્દ્રમાં રહેશે. જોકે હાલના સમયમાં ગુજરાત ભાજપમાં જે રીતે માહોલ જોવા મળી રહ્યો છે.તેને જોતા એવું અનુમાન લગાવાઈ રહ્યું છે કે, ગુજરાતમાં વિધાનસભાની ચૂંટણી સમય કરતા વહેલી યોજાઈ શકે છે.
ભાજપ દ્વારા અત્યારથી જ ચૂંટણીની જોરશોરથી તૈયારી!
વહેલી ચૂંટણીના એંધાણ વચ્ચે ભાજપમાં કેવા પ્રકારની ચહલપહલ જોવા મળી રહી છે અને કેવા પ્રકારના ફેરફાર થઈ રહ્યા છે તેના પર નજર કરીએ તો.. ભાજપ દ્વારા 21 જાન્યુઆરીએ 14 સભ્યોની પ્રદેશ પાર્લામેન્ટ્રી સમિતિની જાહેરાત કરી હતી. આ સાથે જ ભાજપે 12 કોર ગ્રૃપના સભ્યો પણ જાહેર કરી દીધી છે. આ પહેલા 19 જાન્યુઆરીએ ભાજપના પ્રદેશ પ્રમુખે 579 મંડળ સાથે વર્ચ્યુઅલ બેઠકમાં પેજ સમિતિનો ચિતાર મેળવ્યો હતો.
આ સાથે જ ગુજરાત સરકારના વિવિધ બોર્ડ નિગમોમાં નિમાયેલા રાજકીય પદાધિકારીઓની કામગીરીની સમીક્ષા યોજવમાં આવી હતી અને ત્યાર બાદ 7 જેટલા બોર્ડ નીગમના ચેરમેન પાસેથી રાજીનામા લેવામાં આવ્યા. આ સિવાય પ્રધાનમંત્રી મોદીએ પણ 25મી જાન્યુઆરીએ નમો એપના માધ્યમથી પેજ સમિતિના કાર્યકર્તાઓને સંબોધીત કર્યા હતા.
આગામી માર્ચ મહિનામાં ભાજપના પ્રદેશ પ્રમુખ વન-ડે-વન ડિસ્ટ્રિક્ટ કાર્યક્રમ દ્વારા દરેક જિલ્લાઓની મુલાકાત યોજશે.એટલે કે, અત્યારથી જ ભાજપ ચૂંટણીના મેદાનમાં હોય તેવી અનુભૂતી થઈ રહી છે.. જોકે બીજી તરફ ભાજપના પ્રદેશ પ્રમુખ જોડે વીટીવી ન્યૂઝે વાત કરવાની કોશિશ કરી તો તેમના મતે હાલ કોઈપણ પ્રકારે વહેલી ચૂંટણીનું આયોજન ન હોવાનું તેમણે જણાવ્યું.
તૈયારીઓ વહેલી ચૂંટણીના એંધાણ
જોકે અહીં ભલે ભાજપ હાલ તો ના પાડી રહ્યું છે.. પરંતુ તૈયારીઓ વહેલી ચૂંટણીના એંધાણ દર્શાવે છે.જોકે જો વહેલી ચૂંટણી યોજાય તો કોંગ્રેસને સમય ન મળે. આમ કોગેસના સિનિયરો અને સંગઠન સામે સૌથી મોટા પડકારો ઊભા થાય.તેમજ ગુજરાતની જનતાએ પણ સ્થાનિક સ્વરાજ્યની ચૂંટણીમાં AAPને એક તક આપી છે, તે આધારે વધુ સમય આપને પણ ન મળે તેવા સમીકરણ પણ જોવાઈ રહ્યા છે.તેવામાં હાલ તો ભાજપમાં જે રીતે તૈયારી ચાલી રહી છે, તેને જોતાં આ એપ્રિલ કે મે મહિનામાં ચૂંટણી અટકળો તેજ બની છે.તેવામાં જોવાનું એ રહેશે કે, આ અટકળો અને સમિકરણો વચ્ચે ક્યારે ચૂંટણી યોજાઈ છે.. અને ગુજરાતની ગાદી કોરોના હાથમાં જાય છે.