ઈલેક્શન 2022 / ગુજરાતમાં સતત સાતમી વાર મોદી મેજિકનો કમાલ, EXIT POLLમાં ભાજપ પર ભરોસો કાયમ, પ્રચંડ પ્રચાર ફળ્યો

• એક્ઝિટ પોલના આંકડામાં ભાજપનો ભવ્ય વિજય
• ગુજરાતની ચૂંટણીમાં ફરી ચાલશે મોદી મેઝિક
• ગુજરાતમાં મોદી લહેર યથાવત: એક્ઝિટ પોલ

ગુજરાતમાં તારીખ 1 અને 5 ડિસેમ્બરના રોજ 15મી વિધાનસભાની બે તબક્કાનું મતદાન યોજાઈ ગયું છે. જેનું 8 ડિસેમ્બરના રોજ પરિણામ આવશે. ત્યારે આ ચૂંટણીમાં વિધાનસભાની 182 બેઠકો માટે કુલ 1621 ઉમેદવારો મેદાનમાં હતા. જેમાં પહેલા તબક્કાની 89 બેઠકો માટે 788 ઉમેદવારો અને બીજા તબક્કાની 93 બેઠકો માટે 833 ઉમેદવારો વચ્ચે જંગ ખેલાયો હતો. આ બધાની વચ્ચે ફરી ગુજરાતમા મોદી લહેર ચાલી હોય તેવું લાગી રહ્યું છે. જેવું મતદાન પૂરુ તેના બાદ એક્ઝિટ પોલના આંકડા સામે આવ્યા છે. જેમાં ભાજપનો ફરી ભવ્ય વિજય થાય છે.

ગુજરાતમાં ચાલ્યો મોદી મેઝિક
ગુજરાતમાં વિધાનસભા ચૂંટણીની તારીખો જાહેર થઈ ત્યારથી વડાપ્રધાન નરેન્દ્ર મોદી અને કેન્દ્રીય ગૃહ મંત્રી અમિત શાહે પ્રચારની કમાન સંભાળી લીધી હતી અને ભાજપને વિજય બનાવવાનો સંકલ્પ લીઘો હોય તેમ પ્રચંડ પ્રચાર કરવામાં આવ્યો હતો. PM મોદીની પ્રચંડ સભામાં મોદી મેઝિક ચાલ્યો હોય તેવું એક્ઝિટ પોલના આંકડામાં જાણવા મળી રહ્યું છે. ગુજરાતમાં મોદી લહેર યથાવત હોય તેવું એક્ઝિટ પોલના આંકડા દ્વારા જાણવા મળે છે. ગુજરાતમાં સતત સાતમી વાર મોદી મેજિકનો કમાલ થાય તેનું એક્ઝિટ પોલના આંકડામાં મારફતે જાણવા મળે છે.

PM મોદીનો પ્રચંડ પ્રચાર કામે લાગ્યો
વિધાનસભાની ચૂંટણીને લઈ વડાપ્રધાન નરેન્દ્ર મોદીએ ગુજરાતમાં પ્રચંડ પ્રચારનો કર્યો હતો. નોંધનીય છે કે, ગુજરાત વિધાનસભાની ચૂંટણીને લઈ વડાપ્રધાન નરેન્દ્ર મોદીએ છેલ્લા બે મહિનામાં સરકારી અને પાર્ટીના કુલ 65થી વધુ કાર્યક્રમોમાં હાજરી આપી છે. આ સાથે PM મોદીએ ભાજપની કુલ 40થી વધુ સભાઓને સંબોધી હતી. જોકે PM મોદીએ ચૂંટણી પ્રચારમાં મોટાભાગની વિધાનસભા બેઠકોને કવર કરી હતી. 

• જોઈએ શું કહે છે એક્ઝિટ પોલના આંકડા

Republicના EXIT POLLમાં કઈ પાર્ટીને કેટલી બેઠકનું અનુમાન  (7:04 PM)

ન્યૂઝXનો EXIT POLL (6:55 PM)

Jan Ki Baat ના EXIT POLLમાં કઈ પાર્ટીને કેટલી બેઠકનું અનુમાન (6:45 PM)

TV9ના EXIT POLLમાં કઈ પાર્ટીને કેટલી બેઠકોનું અનુમાન (6:40 PM)

જુઓ EXIT POLL 

બીજા તબક્કામાં અંદાજે 62 ટકા જેટલું મતદાન થયું છે
ગુજરાતમાં બીજા તબક્કાનું મતદાન મોટા ભાગે પૂર્ણ થઈ ગયું છે. પાપ્ત માહિતી અનુસાર બીજા તબક્કામાં અંદાજે 62 ટકા જેટલું મતદાન થયું છે. ઉત્તર અને મધ્ય ગુજરાતમાં તમામ મતદાન બૂથ પર શાંતિપૂર્વક રીતે મતદાન થયું છે. 93 બેઠક પર 833 ઉમેદવારનું ભાવિ ઇવીએમમાં કેદ થઈ ગયું છે. આ તબક્કાના મતદાન દરમિયાન મતદારોમાં ઉત્સાહ જોવા મળ્યો હતો. તમને જણાવી દઈએ કે, સૌથી વધારે અંદાજે 68 ટકા મતદાન સાબરકાંઠા નોંધાયો છે તેમજ સૌથી ઓછું અંદાજે 57 ટકા મતદાન દાહોદમાં નોંધાયું છે. વિગતે જણાવીએ તો, બનાસકાંઠામાં અંદાજે 66 ટકા, પાટણમાં અંદાજે 61 ટકા અને મહેસાણામાં અંદાજે 62 ટકા તો અરવલ્લીની વાત કરીએ તો ત્યાં અંદાજે 65 ટકા મતદાન નોંધાયું છે. ગાંધીનગરમાં અંદાજે 63 ટકા જ્યારે અમદાવાદમાં અંદાજે 55 ટકા અને આણંદમાં 64 ટકા, ખેડામાં 64 ટકા અને મહિસાગરમાં અંદાજે 59 ટકા જ્યારે પંચમહાલમાં 64 ટકા તેમજ વડોદરામાં અંદાજે 60 ટકા, છોટા ઉદેપુરમાં અંદાજે 65 ટકા મતદાન નોંધાયું છે. તમને જણાવી દઈએ કે આ તમામ આંકડામાં હજુ ફેરફાર થઈ શકે છે અને પહેલા તબક્કામાં 63.71 ટકા મતદાન થયું હતું 

પ્રથમ તબક્કાની ચૂંટણીમાં 89 બેઠકો પર સરેરાશ 63.14 ટકા મતદાન થયું 
ગુજરાત વિધાનસભાની પ્રથમ તબક્કાની ચૂંટણીમાં વિધાનસભાની 182 પૈકી 89 બેઠકો પર સાંજના પાંચ વાગ્યા સુધીમાં પૂર્ણ થઇ જતા 788 ઉમેદવારોનું ભાવી EVMમાં સીલ થયું હતું. પ્રથમ તબક્કાની આ ચૂંટણીમાં તમામ 89 બેઠકો પર સરેરાશ 63.14 ટકા મતદાન થયું હતું. દક્ષિણ ગુજરાતની સરખામણીમાં સૌરાષ્ટ્રમાં ઓછું મતદાન થયું હતું. સૌથી વધુ 78.24 ટકા મતદાન નર્મદા જિલ્લામાં નોંધાયું હતું. બીજા નંબરે તાપી જિલ્લામાં 76.91 ટકા મતદાન નોંધાયું હતું. સૌરાષ્ટ્રમાં મોરબીમાં સૌથી વધુ 69.65 ટકા મતદાન નોંધાયું જ્યારે સૌથી ઓછું મતદાન બોટાદમાં 57.58 ટકા મતદાન નોંધાયું હતું.