મહામારી / રાજ્યમાં 24 કલાકમાં 1094 કેસ નોંધાતા કુલ આંકડો 77 હજારને પાર, કુલ મૃતાંક 2767

આરોગ્ય વિભાગે જાહેર કરેલ પ્રેસનોટ પ્રમાણે ગુજરાતમાં કોરોના દર્દીઓનો કુલ આંકડો 77000ને પાર પહોંચ્યો છે. જ્યારે કુલ મોતની વાત કરીએ તો 2767 થયો છે અને કુલ ઍક્ટિવ કેસની સંખ્યા 14359 છે અને 60537 દર્દીઓ અત્યાર સુધી સાજા થયા છે. 

આજે સૌથી વધુ કેસ ક્યાં

રાજ્યમાં છેલ્લાં 24 કલાકમાં સૌથી વધુ કેસ નોંધાયેલા પાંચ વિસ્તારોની વાત કરીએ સુરત શહેરમાં 166, અમદાવાદ શહેરમાં 148, વડોદરા શહેરમાં 96, સુરત જિલ્લામાં 86 અને રાજકોટ શહેરમાં 64 નોંધાયા હતાં. જ્યારે સૌથી વધુ સાજા સુરત શહેર (321) અને અમદાવાદ શહેર (168)માં નોઁધાયા હતાં. 

સતત ચોથા દિવસે 50 હજારથી વધુ ટેસ્ટ કરાયા

આપને જણાવી દઇએ કે, રાજ્યોના મુખ્યમંત્રીઓ સાથેની તાજેતરમાં યોજાયેલી બેઠકમાં પ્રધાનમંત્રી મોદીએ ગુજરાત સહિત અનેક રાજ્યોમાં કોરોના ટેસ્ટિંગ વધારવાને લઇને મુખ્યમંત્રીઓને અપીલ કરી હતી ત્યારે ગુજરાતમાં છેલ્લા 4 દિવસથી 50 હજારથી ટેસ્ટ કરવામાં આવે છે. જેમાં આજે ચોથા દિવસે 51,217 ટેસ્ટ કરાયા છે.