ગુજરાતમાં કોરોનાકાળ દરમિમયાન ચોમાસું સારુ જોવા મળ્યું છે. રાજ્યમાં અંદાજે 140 ટકા જેટલો વરસાદ વરસ્યો છે. ત્યારે હવે ચોમાસાની વિદાય બાદ છેલ્લા બે દિવસથી રાજ્યમાં ઠંડીનો ચમકારો જોવા મળી રહ્યો છે. અમદાવાદ સહિત અન્ય શહેરોના લઘુત્તમ તાપમાનમાં ઘટાડો જોવા મળ્યો છે.
ગુજરાતમાં સતત બે દિવસથી ઠંડીનો ચમકારો
અમદાવાદ અને અન્ય શહેરોના લઘુતમ તાપમાનમાં ઘટાડો
ઉત્તર પૂર્વના પવનોને લીધે રાજ્યમાં ઠંડીનો ચમકારો
ગુજરામાં ચોમાસાની વિદાય બાદ હવે ધીરે-ધીરે ઠંડીનો ચમકારો જોવા મળી રહ્યો છે. છેલ્લા બે દિવસથી રાજ્યમાં સતત ઠંડીનો ચમકારો જોવા મળ્યો છે. જેમાં અમદાવાદ સહિત અન્ય શહેરોના લઘુત્તમ તાપમાનમાં ઘટાડો નોંધાયો છે.
હવામાન વિભાગના જણાવ્યાં અનુસાર ઉત્તર પૂર્વના પવનનો કારણે રાજયમાં ઠંડીનો ચમકારો જોવા મળ્યો છે. જેના કારણે રાજ્યના મોટાભાગના શહેરોમાં લઘુત્તમ તાપમાન 17 થી 24 ડિગ્રી જેટલું નોંધાયું છે.
રાજ્યનું સૌથી વધુ લઘુત્તમ તાપમાન નલિયા ખાતે નોંધાયું છે. નલિયામાં લઘુત્તમ તાપમાન 18.4 ડિગ્રી નોંધાયું છે. જ્યારે અમદાવાદનું 19.1 જ્યારે વડોદરાનું 19.6 ડિગ્રી લઘુત્તમ તાપમાન જોવા મળ્યું છે.