ઠંડીનો ચમકારો / રાજ્યમાં આગામી 48 કલાક કોલ્ડવેવની આગાહી, સૌથી ઓછુ નલિયામાં 4 ડિગ્રી તાપમાન

• રાજ્યમાં કડકડતી ઠંડીનો અહેસાસ
• સૌથી ઓછુ નલિયામાં 4 ડિગ્રી તાપમાન
• રાજકોટમાં 8, ભુજમાં 9 ડિગ્રી તાપમાન

જો કે ઉત્તર પૂર્વના ઠંડા પવાનને લઇને રાજ્યમાં આગામી 48 કલાક કોલ્ડવેવની આગાહી આપવામાં આવી છે.  રાજ્યના હવામાન વિભાગ દ્વારા સૌરાષ્ટ્રમાં તાપમાનમાં ઘટાડો જોવા મળશે. 

રાજ્યની વાત કરીએ તો સૌથી ઓછુ નલિયા ખાતે તાપમાન નોંધાયું છે. નલિયામાં 4 ડિગ્રી તાપમાન જોવા મળ્યું છે. રાજ્યના અન્ય શહેરોનું તાપમાન અંગેની વાત કરીએ તો રાજકોટમાં 8 અને ભૂજમાં 9 ડિગ્રી તાપમાન જોવા મળ્યું છે. જ્યારે અમદાવાદ-ડિસા-અમરેલી-ઇડરમાં 11 ડિગ્રી તાપમાન નોંધાયું છે. 

જ્યારે પોરબંદર અને ગાંધીનગરમાં 12 ડિગ્રી તાપમાન જોવા મળ્યું છે. આ સાથે વડોદરામાં 13 ડિગ્રી, સુરતમાં 14 અને ભાવનગરમાં 14 ડિગ્રી તાપમાન નોંધાયું છે. 

જો કે રાજ્યમાં હજુ પણ ઠંડીનો કહેર જોવા મળશે તેવુ અનુમાન છે. જેમાં ઉતરાયણ સુધી ગુજરાત ઠંડુગાર રહેવાની સંભાવના છે. રાજ્યમાં હજી પણ ઠંડીમાં વધારો થાય તેવી શક્યતા છે. 

 ગુજરાતમાં એક ચોક્કસ પ્રમાણની આજુબાજુ ઠંડુ વાતાવરણ હોય છે પણ આપણા ગુજરાતના જ કચ્છના નલિયામાં સમગ્ર ગુજરાત કરતા વધું ઠંડી કેમ પડે છે? કચ્છનો ભૌગોલિક વિસ્તાર બીજા જિલ્લા કરતા અલગ હોવાથી ઠંડી અને ગરમી કે ધૂમમ્સ વધુ જોવા મળે છે. કચ્છના હવામાનમાં તરત બદલાવ આવે છે.