ચૂંટણી / ગુજરાતમાં ભાજપ-કોંગ્રેસના ઉમેદવારો ભરશે ફોર્મ, છેલ્લી તારીખ 4 એપ્રિલ

ગુજરાતમાં લોકસભાની ચૂંટણી માટે ફોર્મ ભરવાની છેલ્લી તારીખ 4 એપ્રિલ છે. આજે ભાજપ અને કોંગ્રેસના ઉમેદવારો આજે ઉમેદવારી  ફોર્મ ભરશે. જેમાં પોરબંદર બેઠક પર ભાજપના રમેશ ધડૂક, રાજકોટ બેઠક પર ભાજપના મોહન કુંડારિયા. જ્યારે જામનગર બેઠક પર પૂનમ માડમ ઉમેદવારી ફોર્મ ભરશે. જામનગર ગ્રામ્ય વિધાનસભા બેઠક માટે રાઘવજી પટેલ ફોર્મ ભરશે. વલસાડમાં ભાજપના કે.સી. પટેલ ઉમેદવારી નોંધાવશે.

જ્યારે ભરૂચ બેઠક પર ભાજપના મનસુખ વસાવા ઉમેદવારી ફોર્મ ભરશે. બારડોલીમાં પ્રભાવ વસાવા અને અમરેલીમાં ભાજપના નારણ કાછડિયા ઉમેદવારી નોંધાવશે. જ્યારે અમદાવાદ પશ્ચિમ બેઠક પર કોંગ્રેસના રાજુ પરમાર ફોર્મ ભરશે. વડોદરા લોકસભા બેઠક પર કોંગ્રેસમાંથી પ્રશાંત પટેલ અને જૂનાગઢ બેઠક પર કોંગ્રેસના પૂંજા વંશ ઉમેદવારી ફોર્મ ભરશે.

ઉલ્લેખનીય છે કે આ અગાઉ લોકસભા ચૂંટણીને લઇને નામાંકનની પ્રક્રિયા શરૂ થઇ ત્યારથી 30 માર્ચ સુધીમાં કુલ 14 ઉમેદવારોએ નામાંકન ભર્યું હતું. જેમાં ભાજપના રાષ્ટ્રીય અધ્યક્ષ અમિત શાહે ગાંધીનગર  બેઠક પરથી ઉમેદવારી ફોર્મ ભર્યું હતું. જ્યારે ભાજપમાંથી રાજીનામુ આપી રેશમા પટેલે અપક્ષ ઉમેદવાર તરીકે પોરબંદર બેઠક પરથી ફોર્મ ભર્યું.