વાહ! / ગુજરાતનો આ વિસ્તાર બન્યો હાથીઓનું નવુ સરનામું? 4 હાથીઓનું ઝુંડ મળી આવ્યું?

• દાંતીવાડાના સાતસનની સીમમાં જોવા મળ્યા ચાર હાથી
• સાતસન ગામે ચાર હાથી દેખાતા લોકોના ટોળે ટોળા ઉમટ્યા
• પાંથવાડા ફોરેસ્ટ વિભાગ પહોંચ્યું ઘટના સ્થળે

બનાસકાંઠા જિલ્લાના દાંતીવાડાના સાતસનની સીમમાં જોવા ચાર હાથીઓનું ઝુંડ જોવા મળ્યું હતુ. સાતસન ગામે ચાર હાથી દેખાતા લોકોના ટોળે ટોળા ઉમટ્યા હતા. 

આ ઘટનાની જાણ જોત જોતમાં ફોરેસ્ટ ડિપાર્ટમેન્ટને કરવામાં આવી હતી. જેમાં પાંથવાડા ફોરેસ્ટ વિભાગ ઘટના સ્થળે પહોંચ્યું હતુ. ફોરેસ્ટ વિભાગે હાથીના માલિકની શોધખોળ ચાલુ કરી છે. અને ફોરેસ્ટ વિભાગે હાથીઓ માટે કરાવી ઘાસચારો અને પાણીની વ્યવવસ્થા શરૂ કરી દીધી છે. 

બિનવારસી હાલતમાં ચાર હાથી જોવા મળતા અચરજ

બિનવારસી હાલતમાં આવી રીતે હાથીઓનું ઝુંડ મળી આવતા અચરજ થઈ રહ્યું છે ત્યારે જંગલખાતાને પણ નથી ખબર કે કેવી રીતે આ હાથીઓ અહીં એક સાથે આવી ચઢ્યા. ત્યારે તર્કવિતર્ક કરવામાં આવી રહ્યા છે અને શું હવે બનાસકાંઠાના જંગલોમાં હાથીઓનું નવું સરનામું છે કે શું તેવી ચર્ચાએ જોર પકડ્યું છે. કેમ કે એકલ દોકલ નહીં પણ ચાર ચાર હાથી આમ મળી આવ્યા છે. એટલે બની શકે કે જંગલ વિસ્તારમાં બીજા હાથીઓ પણ હોઈ શકે છે.