પહેલા કમોસમી વરસાદે રોવડાવ્યા અને હવે તીડના ટોળે ટોળા ઉમટી પડ્યા છે. ત્યારે તબાહી મચાવનાર તીડે ખેડૂત પરિવારોને રાતે પાણીએ રોવડાવ્યા છે. ખેડૂત પત્ની VTV સામે ધ્રુસકેને ધ્રુસકે રડી પડયા હતા. પરિવારનો આક્રંદ કરતું જોઈને રુંવાટા ખડા થઈ ગયા હતા. લોન લઈને ખેતી કરી પહેલા વરસાદે ખેતર ઘમરોળ્યા અને હવે તીડ ખેતર ખતમ કરી દીધા છે
બનાસકાંઠામાં તડીના કારણે ખેડૂતો પર તૂટ્યું આભ
થરાદમાં તીડથી ખેડૂતો થયા પાયમાલ
VTV સમક્ષ ખેડૂત પરિવારની દર્દીલી દાસ્તાન
બનાસકાંઠામાં તીડનો આતંક એટલો વધી ગયો છે કે જે ખેતરમાં તીડ ત્રાટકે છે ત્યાંનો તમામ પાક નષ્ટ કરી દે છે. તીડના આતંકથી પીડિત એક પરિવાર જેને VTV સમક્ષ પોતાનું દર્દ રજૂ કર્યું.
ભરડાસર ગામના રાણાભાઈનો આ પરિવાર જેનો ચોમાસામાં પાક નિષ્ફળ ગયો હતો. જેથી શિયાળુ પાક માટે 6 લાખ રૂપિયાની લોન લીધી હતી. અને જીરુ અને ઘઉંનો પાક કર્યો હતો. જોકે હવે તીડ ત્રાટકતાં આ બન્ને પાક પણ નિષ્ફળ ગયા છે. જેથી ખેડૂત પરિવારે VTV પર દર્દ રજૂ કર્યું હતું. અને પાક નિષ્ફળ જતાં આંખમાં આસુ સરી આવ્યા હતા. એટલું જ નહીં પાક નિષ્ફળ જતાં હવે લોનની ચૂકવણી ક્યાંથી કરશે તે વિચારીને પરિવાર ચિંતામાં સરી પડ્યો છે.