બનાસકાંઠા / ડૉક્ટર અને લેબોરેટરીવાળું નવું કૌભાંડ, ટાઈફોડના ખોટા પોઝિટીવ રિપોર્ટ બતાવી પૈસા પડાવવાના

• એક જ કલાકમાં 3 લેબોરેટરીના અલગ અલગ રિપોર્ટ
• ડોક્ટર કહે તેવા રિપોર્ટ બનાવે છે લેબોરેટરી
• રોગચાળો વકરે તેનો લે છે લાભ

તબીબે કહેલી લેબમાં ટાઈફોઈડ પોઝેટીવ આવ્યો અને એ જ સમયે બીજી બે લેબના રિપોર્ટર નેગેટિવ આવ્યા હતા. માત્ર એક કલાકના સમયમાં ત્રણ લેબમાં અલગ અલગ રિપોર્ટ આવતા ખરેખર મહિલાને ટાઈફોઈડ છે કે નહીં તે અંગે ખુદ મહિલા અને તેના પરિવારજનો અવઢવમાં મુકાયા હતા. 

શું છે મામલો?
મહિલા દર્દીને સામાન્ય તાવ આવતા તે દવાખાને ગઈ હતી જ્યા તબીબે મહિલા દર્દીને કષ્ટભંજન લેબમાં રિપોર્ટ કઢાવવા જણાવ્યુ હતુ.  કષ્ટભંજન લેબમાં દર્દીનો ટાઈફોઈડનો રિપોર્ટ પોઝિટિવ આવ્યો હતો. ત્યારે દર્દીના પરિવારને શંકા જતા બીજી બે લેબમાં રિપોર્ટ કઢાવ્યા હતા અને બંને લેબમાં ટાઈફોઈડના રિપોર્ટ નેગેટિવ આવ્યા હતા. 

કઈ લેબમાં કેવો આવ્યો રિપોર્ટ
કષ્ટભંજન લેબોરેટરીએ ટાઈફોઈડનો રિપોર્ટ પોઝિટિવ આવ્યો હતો.

કોના કહેવાથી રિપોર્ટ બને છે
ડોક્ટરના કહેવાથી ખોટા રિપોર્ટ અપાતા હોવાના આક્ષેપ થઈ રહ્યા છે. ડોક્ટર અને લેબોરેટરની મિલિભગતનો હોવાની પણ શંકા સેવાઈ રહી છે. દર્દીના સગાએ જીલ્લા આરોગ્ય અધિકારી પાસે તપાસની માગ કરી છે. 

વડોદરામાં પકડાઈ હતી લેબ
વડોદરામાં પણ ખોટા રિપોર્ટ બનાવતી લેબોરેટરી અને ડોક્ટરનું કૌભાંડ પકડાયુ હતુ ત્યારે હવે દર્દીઓમાં ખળભળાટ જોવા મળી રહ્યો છે. કારણ કે ડોક્ટર અને લેબોરેટરીને આધારે જ સારવાર થતી હોય છે તો આ રીતે અગર ડોક્ટર અને લેબોરેટરી પોતાના વ્યવસાયને આ રીતે ચલાવે તો દર્દીઓએ સારવાર માટે ક્યાં જાય?