ગુજરાતમાં કોરોનાનો કહેર જોવા મળી રહ્યો છે. ત્યારે ગઇકાલે અમદાવાદમાં ગઇકાલે ગુજરાત ATS દ્વારા રાજ્યમાં ભાજપના નેતા ગોરધન ઝડફિયાની હત્યાના ષડયંત્રનો પર્દાફાશ કરવામાં આવ્યો હતો. જેને લઇને એક આરોપી ઇરફાન શેખની ATSએ ધરપકડ કરી હતી. જો કે આરોપી ઇરફાન શેખનો કોરોના રિપોર્ટ પોઝિટવ આવ્યો છે, જેને લઇને ઓપરેશનમાં જોડાયેલા પોલીસકર્મીઓના ટેસ્ટ કરવામાં આવશે.
ગોરધન ઝડફિયાની હત્યાના ષડયંત્રનો મામલો
આરોપી ઈરફાન શેખનો કોરોના રિપોર્ટ પોઝિટીવ
ઓપરેશનમાં જોડાયેલા પોલીસકર્મીઓના થશે ટેસ્ટ
ગુજરાત ATS દ્વારા ગોરધન ઝડફિયાની હત્યાનું ષડયંત્ર રચનાર ઇરફાન શેખ કોરોના સંક્રમિત હોવાનું સામે આવ્યું છે. આરોપી ઇરફાન શેખનો કોરોના રિપોર્ટ પોઝિટિવ આવ્યો છે. આ સાથે ઓપરેશનમાં જોડાયેલા પોલીસકર્મીઓના ટેસ્ટ થશે.
ભાજપના નેતા ગોરધન ઝડફિયાની હત્યાનું ષડયંત્ર ATSએ નિષ્ફળ બનાવ્યું હતું. ATSએ એક આરોપીની ધરપકડ કરી હતી. ઝડપાયેલા આરોપીએ મોટો ખુલાસો કર્યો હતો.
પાકિસ્તાનથી હત્યાની સોપારી આપવામાં આવી હતી. ATSએ ઝડપેલો આરોપી મોહમ્મદ રફીક ઉર્ફે ઈરફાન શેખ રિલીફ રોડની વિનસ હોટલમાં રોકાયો હતો.
ઈરફાન શેખે કર્યુ હતું ફાયરિંગ
અમદાવાદમાં ATSની ટીમ પર ફાયરિંગની ઘટના સામે આવી હતી. ATSએ એક આરોપીની ધરપકડ કરી હતી. ઝડપાયેલા આરોપીનું સાચું નામ ઈરફાન શેખ હતું પરંતુ તે હોટલમાં મોહમ્મદ રફીકના ખોટા નામે રોકાયો હતો. ઈરફાન ઈરફાન શેખ મુળ મુંબઇના ચેમ્બુરનો રહેવાસી હતો અને એક અઠવાડિયાથી આરોપીઓ ગુજરાતમાં રોકાયો હતો. ગઇકાલે ભાજપ કમલમની શાર્પ શૂટરે રેકી કરી હતી. આરોપી પાસેથી 2 હથિયાર જપ્ત કરવામાં આવ્યા હતા. ATSની ટીમ પર રિલીફ સિનેમા નજીક વિનસ હોટલમાં ફાયરિંગ કરવામાં આવ્યું હતું. છોટા શકિલના સાગરિતને પકડવા જતા આરોપીઓએ એક રાઉન્ડ ફાયરિંગ કર્યું હતું.
હોટલ સ્ટાફે જણાવી હતી સમગ્ર કહાની
જો કે હોટલના કર્મચારીઓ દ્વારા જણાવામાં આવ્યું હતું કે આરોપી મંગળવારે સવારે હોટલમાં આવ્યો હતો. આરોપી હોટલમાં રોકાયા બાદ બપોરના સમયે બહાર ગયો હતો. જો કે ત્યારબાદ બેગમાં હથિયાર લાવ્યો હોવાની આશંકા વ્યક્ત કરવામાં આવી હતી.
હોટલના કર્મચારીએ કહ્યું હતું કે રાત્રે ફલાઇટમાં મુંબઈ કે બીજી કોઈ જગ્યાએ બહાર જવાનું હોવાનું જણાવ્યું હતું. જો કે પોલીસ બાતીમના આધારે હોટલ પર પહોંચી ગઇ હતી અને સમગ્ર કાંડનો પર્દાફાશ થયો હતો.
પાકિસ્તાનથી અપાઈ હતી સોપારી
ભાજપના નેતા ગોરધન ઝડફિયાની હત્યાનું ષડયંત્ર ATSએ નિષ્ફળ બનાવ્યું છે. ATSએ એક આરોપીની ધરપકડ કરી છે. ઝડપાયેલા આરોપી મોહમ્મદ રફીકે મોટો ખુલાસો કરતા કહ્યું હતું કે પાકિસ્તાનથી હત્યાની સોપારી આપવામાં આવી હતી. ભાજપના નેતા ગોરધન ઝડફિયાની હત્યા કરવાનું ષડયંત્ર હતું.