વિજયપથ / હારેલી બાજી જીતવામાં માહેર ભાજપનું ગુજરાત વિધાનસભામાં સંખ્યા બળ 111, આજે 8 MLA લેશે શપથ

• પેટા ચૂંટણીમાં વિજયી થયેલા આઠ ધારાસભ્યો આજે લેશે શપથ
• 8 બેઠકની પેટા ચૂંટણીમાં તમામ આઠેય બેઠક ભાજપે જીતી
• વિધાનસભાના અધ્યક્ષ વિજયીમુહૂર્તમાં લેવડાવશે શપથ

વિધાનસભામાં 8 પદનામિત ધારાસભ્યોનો ગુરૂવારે એટલે કે આજે  શપથવિધિ છે. 3 નવેમ્બરે ધારાસભ્યની પેટા ચૂંટણી યોજાઈ હતી જેમાં પેટા ચૂંટણીમાં 8 બેઠકો ભાજપના ફાળે આવી છે. ભાજપના ધારાસભ્યો તરીકે 8 સભ્યો શપથ ગ્રહણ કરશે. 

વિધાનસભામાં ભાજપની સંખ્યાબળ વધીને 111

19 નવેમ્બરને  ગુરૂવારે વિજય મૂર્હુતમાં શપથ ગ્રહણ કરશે. વિધાનસભા અધ્યક્ષ રાજેન્દ્ર ત્રિવેદીના હસ્તે શપથ ગ્રહણ કરશે. વિધાનસભા અધ્યક્ષની ચેમ્બરમાં શપથ વિધિ યોજાશે. વિધાનસભામાં ભાજપની સંખ્યાબળ વધીને 111 થઇ છે. 

2017ની વિધાનસભા ચૂંટણીમાં ભાજપમા 99 ધારાસભ્યો ચૂંટાયા હતા. પણ હવે વિધાનસભામાં કોંગ્રેસ વધુ નબળી પડી ગઈ છે કેમ કે, 2017થી અત્યાર સુધી કોંગ્રેસે 12 બેઠકો ગુમાવી છે. હાલ કોંગ્રેસ 77 ધારાસભ્યોમાંથી 65 ધારાસભ્યો રહ્યાં છે.