ગુજરાત હાઈકોર્ટે CICના નિર્ણયને બદલતા દિલ્હીના મુખ્યમંત્રી અરવિંદ કેજરીવાલને રૂ. 25,000નો દંડ ફટકાર્યો છે. અને તેમને ગુજરાત રાજ્ય કાનૂની સેવા સત્તામંડળમાં રકમ જમા કરાવવાનો નિર્દેશ આપ્યો છે.
ગુજરાત હાઈકોર્ટે અરવિંદ કેજરીવાલને 25 હજારનો દંડ ફટકાર્યો
હાઈકોર્ટે ચીફ ઈન્ફોર્મેશન કમિશનરના આદેશને પણ રદ કર્યો
પ્રધાનમંત્રીની ડિગ્રીની કોપી માંગવા બદલ દિલ્હીનાં મુખ્યમંત્રી અરવિંદ કેજરીવાલને દંડ ફટકારવામાં આવ્યો છે. ગુજરાત હાઈકોર્ટે અરવિંદ કેજરીવાલને રૂ. 25000 નો દંડ ફટકાર્યો છે. ત્યારે હાઈકોર્ટે ચીફ ઈન્ફોર્મેશન કમિશ્નરના આદેશને પણ પણ રદ્દ કર્યો છે. વડાપ્રધાનની સ્નાતકની ડીગ્રી રજૂ કરવા ચીફ ઈન્ફોર્મેશન કમિશ્નર દ્વારા આદેશ કરવામાં આવ્યો હતો. જેમાં ગુજરાત યુનિવર્સિટી અને દિલ્હી યુનિવર્સિટી પાસે કોપી માંગી હતી. ત્યારે PMOના PROને પણ ચીફ ઈન્ફોર્મેશન કમિશનરે આદેશ કર્યો હતો. જસ્ટિસ બિરેન વૈષ્ણવની બેંચે અરજી ફગાવીને દંડ કર્યો છે.
કોર્ટે કેન્દ્રીય સૂચના આયોગનાં નિર્ણયને બદલતા કહ્યું કે મુખ્યમંત્રી કેઝરીવાલ પર રૂા. 25000 નો દંડ પણ ફટકારી દીધો છે. સાથે સાથે આમ આદમી પાર્ટીનાં નેતાને ગુજરાત રાજ્ય કાનૂની સેવા સત્તા મંડળમાં રકમ જમા કરાવવા આદેશ પણ કર્યો છે.
क्या देश को ये जानने का भी अधिकार नहीं है कि उनके PM कितना पढ़े हैं? कोर्ट में इन्होंने डिग्री दिखाए जाने का ज़बरदस्त विरोध किया। क्यों? और उनकी डिग्री देखने की माँग करने वालों पर जुर्माना लगा दिया जायेगा? ये क्या हो रहा है?
મુખ્યમંત્રી અરવિંદ કેજરીવાલે ટ્વીટ કરીને નિરાશા વ્યક્ત કરી
હાઈકોર્ટના નિર્ણય બાદ પ્રતિક્રિયા આપતા દિલ્હીના મુખ્યમંત્રી અરવિંદ કેજરીવાલે ટ્વીટ કરીને નિરાશા વ્યક્ત કરી હતી કે શું દેશને એ જાણવાનો અધિકાર પણ નથી કે તેમના વડાપ્રધાન કેટલા શિક્ષિત છે. એવો પ્રશ્ન પૂછતા તેમણે કોર્ટમાં ડિગ્રી બતાવવાનો ઉગ્ર વિરોધ કેમ કર્યો? દેશને ચેતવણી આપતાં કેજરીવાલે કહ્યું કે અભણ કે ઓછું ભણેલા વડાપ્રધાન દેશ માટે ખૂબ જ ખતરનાક છે.
ગુજરાત યુનિવર્સિટીએ હાઈકોર્ટમાં અરજી કરી હતી
હાઈકોર્ટમાં આ અરજી કેન્દ્રીય સૂચના આયોગનાં આદેશ સામે ગુજરાત યુનિવર્સિટી તરફથી દાખલ કરવામાં આવી હતી. જેમાં આયોગને વડાપ્રધાનની ડિગ્રી દેખાડવાનો આદેશ આપ્યો હતો. પીએમ નરેન્દ્ર મોદી દ્વારા આપવામાં આવેલી માહિતી અનુસાર, તેમણે 1978માં ગુજરાત યુનિવર્સિટીમાંથી ગ્રેજ્યુએશન પૂર્ણ કર્યું, ત્યારબાદ 1983માં દિલ્હી યુનિવર્સિટીમાંથી પોસ્ટ ગ્રેજ્યુએશન કર્યું.